جی مرا مجھ سے یہ کہتا ہے کہ ٹل جاؤں گا
جی مرا مجھ سے یہ کہتا ہے کہ ٹل جاؤں گا ہاتھ سے دل کے ترے اب میں نکل جاؤں گا لطف اے اشک کہ جوں شمع گھُلا جاتا ہوں رحم اے آہِ شرر بار! کہ جل جاؤں گا چین دینے کا نہیں زیرِ زمیں بھی نالہ سوتوں کی نیند میں کرنے کو خلل جاؤں گا قطرہء اشک ہوں پیارے، مرے نظّارے سے کیوں خفا ہوتے ہو، پل مارتے ڈھل جاؤں گا اس مصیبت سے تو مت مجھ کو نکال اب گھر سے تُو کہے آج ہی جا، میں کہوں کل جاؤں گا چھیڑ مت بادِ بہاری کہ میں جوں نکہتِ گُل پھاڑ کر کپڑے ابھی گھر سے نکل جاؤں گا میری صورت سے تو بیزار ہے ایسا ہی تو دیکھ شکل اس غم سے کوئی دن میں بدل جاؤں گا نطق کہتا ہے مرا آج یہ ہر ناطق سے آن کر ہونٹ ابھی طوطی کے مل جاؤں گا* کہتے ہیں وہ جو ہے سودا کا قصیدہ ہی خوب اُن کی خدمت میں لیے میں یہ غزل جاؤں گا
English rendering
Ji mera mujh se yeh kehta hai ke tal jaunga Haath se dil ke tere ab main nikal jaunga Lutf ae ashk ke jun sham'a ghula jaata hun Rehm ae aah-e-sharar-baar! ke jal jaunga Chain dene ka nahin zair-e-zameen bhi naala Sooton ki neend mein karne ko khalel jaunga Qatra-e-ashk hun pyare, mere nazzaare se Kyun khafa hote ho, pal maarte dhal jaunga Is museebat se tu mat mujh ko nikaal ab ghar se Tu kahe aaj hi jaa, main kahun kal jaunga Chheyr mat baad-e-bahari ke main jun nikhat-e-gul Phaad kar kapde abhi ghar se nikal jaunga Meri soorat se tu bezaar hai aisa hi to dekh Shakl is gham se koi din mein badal jaunga Nutq kehta hai mera aaj yeh har naatiq se Aan kar honth abhi tooti ke mil jaunga* Kehte hain woh jo hai Sauda ka qaseeda hi khoob Un ki khidmat mein liye main yeh ghazal jaunga