دیکھوں ہوں یوں میں اس ستم ایجاد کی طرف
دیکھوں ہوں یوں میں اس ستم ایجاد کی طرف جوں صید وقت ذبح کے صیاد کی طرف نے دانہ ہم قیاس کیا نے لحاظ دام دھنس گئے قفس میں دیکھ کے صیاد کی طرف ثابت نہ ہووے خون مرا روز باز پرس بولیں گے اہل حشر سو جلاد کی طرف پتھر کی لیکھ تھا سخن اس کا ہزار حیف بولی زبان تیشہ نہ فرہاد کی طرف طرہ کے تیرے واسطے صد چوب شانہ دار قمری گئی ہے کاٹنے شمشاد کی طرف سوداؔ تو اس غزل کو غزل در غزل ہی کہہ ہونا ہے تجھ کو میرؔ سے استاد کی طرف
English rendering
Dekhoon hoon yun mein us sitam-eejad ki taraf Jyun sayd waqt-e-zibh ke sayyad ki taraf Ne dana hum qayas kiya ne lihaz-e-dam Dhans gaye qafas mein dekh ke sayyad ki taraf Sabit na howe khoon mera roz-e-baz-purs Bolenge ahl-e-hashr so jallad ki taraf Patthar ki leekh tha sukhan us ka hazar haif Boli zuban-e-tesha na Farhad ki taraf Turra ke tere waste sad chaub-e-shana-e-dar Qamri gai hai kaatne shamshad ki taraf Sauda tu is ghazal ko ghazal dar ghazal hi keh Hona hai tujh ko Meer se ustad ki taraf