ہندو ہیں بت پرست مسلماں خدا پرست
ہندو ہیں بت پرست مسلماں خدا پرست پوجوں میں اس کسی کو جو ہو آشنا پرست اس دور میں گئی ہے مروت کی آنکھ پھوٹ معدوم ہے جہان سے چشم حیا پرست دیکھا ہے جب سے رنگ کفک تیرے پاؤں میں آتش کو چھوڑ گبر ہوئے ہیں حنا پرست چاہے کہ عکس دوست رہے تجھ میں جلوہ گر آئینہ دار دل کو رکھ اپنے صفا پرست آوارگی سے خوش ہوں میں اتنا کہ بعد مرگ ہر ذرہ میری خاک کا ہوگا ہوا پرست خاک فنا کو تاکہ پرستش تو کر سکے جوں خضر مت کہائیو آب بقا پرست سوداؔ سے شخص کے تئیں آزردہ کیجیے اے خود پرست حیف نہیں تو وفا پرست
English rendering
Hindu hain but parast Musalman Khuda parast Poojoon main us kisi ko jo ho aashna parast Is daur mein gayi hai murawwat ki aankh phoot Maadoom hai jahaan se chashm-e-haya parast Dekha hai jab se rang-e-kafk tere paaon mein Aatish ko chhod gabr hue hain hina parast Chaahe ke aks-e-dost rahe tujh mein jalwa gar Aaina daar dil ko rakh apne safa parast Aawargi se khush hoon main itna ke baad-e-marg Har zarra meri khaak ka hoga hawa parast Khaak-e-fana ko taake parastish tu kar sake Joon Khizr mat kahaaiye aab-e-baqa parast Sauda se shakhs ke taeen aazurda keejiye Aye khud parast haif nahin tu wafa parast