جو گزری مجھ پہ مت اس سے کہو ہوا سو ہوا
جو گزری مجھ پہ مت اس سے کہو ہوا سو ہوا بلا کشان محبت پہ جو ہوا سو ہوا مبادا ہو کوئی ظالم ترا گریباں گیر مرے لہو کو تو دامن سے دھو ہوا سو ہوا پہنچ چکا ہے سر زخم دل تلک یارو کوئی سبو کوئی مرہم رکھو ہوا سو ہوا کہے ہے سن کے مری سرگزشت وہ بے رحم یہ کون ذکر ہے جانے بھی دو ہوا سو ہوا خدا کے واسطے آ درگزر گنہ سے مرے نہ ہوگا پھر کبھو اے تند خو ہوا سو ہوا یہ کون حال ہے احوال دل پہ اے آنکھو نہ پھوٹ پھوٹ کے اتنا بہو ہوا سو ہوا نہ کچھ ضرر ہوا شمشیر کا نہ ہاتھوں کا مرے ہی سر پہ اے جلاد جو ہوا سو ہوا دیا اسے دل و دیں اب یہ جان ہے سوداؔ پھر آگے دیکھیے جو ہو سو ہو ہوا سو ہوا
English rendering
Jo guzri mujh pe mat us se kaho hua so hua Bala kashaan-e-mohabbat pe jo hua so hua Mabada ho koi zaalim tera garebaan geer Mere lahoo ko tu daaman se dho hua so hua Pahunch chuka hai sar zakhm-e-dil talak yaaro Koi saboo koi marham rakho hua so hua Kahe hai sun ke meri sarguzasht woh be-reham Yeh kaun zikr hai jaane bhi do hua so hua Khuda ke waaste aa darguzar gunah se mere Na hoga phir kabhoo aye tund-kho hua so hua Yeh kaun haal hai ahwaal-e-dil pe aye aankho Na phoot phoot ke itna baho hua so hua Na kuch zarar hua shamshir ka na haathon ka Mere hi sar pe aye jallaad jo hua so hua Diya use dil o deen ab yeh jaan hai Sauda Phir aage dekhiye jo ho so ho ho hua so hua