چہرے جدید جسم پرانے لگے مجھے
چہرے جدید جسم پرانے لگے مجھے اک موڑ پر تمام زمانے لگے مجھے تنہا میں جل رہا تھا تو خوش ہو رہے تھے لوگ ان تک گئی جو آگ، بجھانے لگےمجھے آنکھوں میں جھانکنے کی ضرورت نہیں پڑی چہروں کے خول آئینہ خانے لگے مجھے اپنی طرف جو دیکھ لیا ان کو دیکھ کر آنسو، چراغ، زخم، خزانے لگے مجھے دروازے پر جو ان کے میں جا بیٹھا ایک دن دیوار کی طرح وہ اٹھا نے لگے مجھے ظالم کا ہاتھ جب میری دستار پر پڑا دنیا کے پاؤں اپنے سر آنے لگے مجھے سچائیوں کا زہر میں پینے چلا تو ہوں یہ زہر پی کے نیند نہ آنے لگے مجھے آیا یہ کیسا خول چڑھا کر ستم ظریف اندر کے داغ بھی نظر آنے لگے مجھے رکھا نہ میری موت کا بھی غم سنبھال کر آنکھوں سے اپنے لوگ بہانے لگے مجھے ٹپکا لہو تو ظلم کی تصویر بن گئی ظالم اسے پلٹ کے دکھانے لگے مجھے اونچا ہو میرا سر یہ کوئی چاہتا نہ تھا سُولی پہ بھی چڑھا تو گِرانے لگے مجھے مانگے ہوئے حریر و جواہر کی سیج پر سونے لگا تو پاؤں سرہانے لگے مجھے مجھ سے ملے بغیر مظفر جو تھے خفا میں ان سے مل لیا تو منانے لگے مجھے
English rendering
Chehre jadeed jism purane lage mujhe Ek mod par tamaam zamane lage mujhe Tanha main jal raha tha to khush ho rahe the log Un tak gai jo aag, bujhane lage mujhe Aankhon mein jhankne ki zarurat nahin padi Chehron ke khol aaina-khane lage mujhe Apni taraf jo dekh liya unko dekh kar Aansu, chiragh, zakhm, khazane lage mujhe Darwaze par jo unke main ja baitha ek din Deevar ki tarah wo uthane lage mujhe Zaalim ka haath jab meri dastaar par pada Dunya ke paon apne sar aane lage mujhe Sachchaiyon ka zehar main peene chala to hoon Yeh zehar pi ke neend na aane lage mujhe Aaya yeh kaisa khol chadha kar sitam-zareef Andar ke daagh bhi nazar aane lage mujhe Rakha na meri maut ka bhi gham sambhal kar Aankhon se apne log bahane lage mujhe Tapka lahoo to zulm ki tasveer ban gai Zaalim use palat ke dikhane lage mujhe Ooncha ho mera sar yeh koi chahta na tha Sooli pe bhi chadha to girane lage mujhe Maange hue hareer o jawahir ki sej par Sone laga to paon sirhane lage mujhe Mujh se mile baghair Muzaffar jo the khafa Main un se mil liya to manane lage mujhe