مُفلسِ زندگی اب نہ سمجھے کوئی
مُفلسِ زندگی اب نہ سمجھے کوئی مجھ کو عشقِ نبی اِس قدر مل گیا جگمگائے نہ کیوں میرا عکسِ درُوں ایک پتھر کو آئینہ گر مل گیا جس کی رحمت سے تقدیرِ انساں کُھلے اُس کی جانب ہی دروازہء جاں کُھلے جانے عمرِ رواں لے کے جاتی کہاں خیر سے مُجھ کو خیر البشر مل گیا محورِ دو جہاں ذات سرکار کی اور مری حیثیت ایک پرکار کی اُس کی اِک رہگزر طے نہ ہو عمر بھر قبلہء آرزو تو مگر مل گیا اُس کا دیوانہ ہوں اُس کا مجذوب ہوں کیا یہ کم ہے کہ میں اُس سے منسوب ہوں سرحدِ حشر تک جاؤں گا بے دھڑک مجھ تو اتنا تو زادِ سفر مل گیا جس طرف سے بھی گزریں مری خواہشیں مجھ سے بچ کر نکلتیں رہیں لغزشیں جب جُھکائی نظر، جُھک گیا میرا سر نقشِ پا اُس کا ہر موڑ پر مل گیا ذہن بے رنگ تھا ، سانس بے روپ تھی روح پر معصیت کی کڑی دھوپ تھی اُس کی چشمِ غنی رونقِ جاں بنی چھاؤں جس کی گھنی وہ شجر مل گیا جب سے مجھ پر ہُوا مصطفےٰ کا کرم بن گیا دل مظفر چراغِ حرم زندگی پھر رہی تھی بھٹکتی ہوئی میری خانہ بدوشی کو گھر مل گیا
English rendering
Muflis-e-zindagi ab na samjhe koi Mujh ko ishq-e-Nabi is qadar mil gaya Jagmagaye na kyun mera aks-e-durun Ek patthar ko aaina-gar mil gaya Jis ki rehmat se taqdeer-e-insan khule Us ki jaanib hi darwaza-e-jaan khule Jaane umr-e-rawan le ke jati kahan Khair se mujhe ko Khair-ul-Bashar mil gaya Mehvar-e-do jahan zaat Sarkar ki Aur meri haisiyat ek parqaar ki Us ki ek rehguzar tai na ho umr bhar Qibla-e-aarzoo to magar mil gaya Us ka deewane hoon us ka majzoob hoon Kya yeh kam hai ke main us se mansoob hoon Sarhad-e-hashr tak jaunga be-dhadak Mujh ko itna to zaad-e-safar mil gaya Jis taraf se bhi guzrein meri khwahishein Mujh se bach kar nikalti rahein lagzishien Jab jhukai nazar, jhuk gaya mera sar Naqsh-e-pa us ka har mod par mil gaya Zehn be-rang tha, saans be-roop thi Rooh par maasiyat ki kadi dhoop thi Us ki chashm-e-ghani raunaq-e-jaan bani Chhaon jis ki ghani wo shajar mil gaya Jab se mujh par hua Mustafa ka karam Ban gaya dil Muzaffar chiragh-e-Haram Zindagi phir rahi thi bhatakti hui Meri khana-badoshi ko ghar mil gaya