زخم دل اور ہرا خون تمنا سے ہوا
زخم دل اور ہرا خون تمنا سے ہوا تشنگی کا مری آغاز ہی دریا سے ہوا چبھ گئی حلق میں کانٹوں کی طرح پیاس مری دشت سیراب مرے آبلۂ پا سے ہوا دل زندہ کو چنا درد کی دیواروں میں روک لیتی مجھے اتنا بھی نہ دنیا سے ہوا سر میں سودا تھا مگر پاؤں میں زنجیر نہ تھی خاک اڑاتا رہا منسوب نہ صحرا سے ہوا پھیر دیں کس نے سلاخیں سی مری آنکھوں میں کون انگشت نما طاق تماشا سے ہوا دور جا کر مری آواز سنی دنیا نے فن اجاگر مرا آئینۂ فردا سے ہوا بو مزاجوں سے گئی رنگ اڑے چہروں کے خوش یہاں کون مرے دیدۂ بینا سے ہوا اجنبی سا نظر آیا ہوں مظفرؔ خود کو بے تکلف جو میں اس عہد شناسا سے ہوا
English rendering
Zakhm-e-dil aur hara khoon tamanna se hua Tishnagi ka meri aaghaz hi darya se hua Chubh gayi halq mein kaanton ki tarah pyaas meri Dasht sairab mere aabla-pa se hua Dil zinda ko chuna dard ki deewaron mein Rokk leti mujhe itna bhi na duniya se hua Sar mein sauda tha magar paon mein zanjeer na thi Khaak udata raha mansoob na sehra se hua Pher din kis ne salakhein si meri aankhon mein Kaun angusht-numa taaq-e-tamasha se hua Dur ja kar meri awaaz suni duniya ne Fan ujagar mera aaina-e-farda se hua Boo mizaajon se gayi rang ude chehron ke Khush yahan kaun mere deeda-e-bina se hua Ajnabi sa nazar aaya hoon Muzaffar khud ko Be-takalluf jo main us ahd-e-shanaasa se hua