مرہم وقت نہ اعجاز مسیحائی ہے
مرہم وقت نہ اعجاز مسیحائی ہے زندگی روز نئے زخم کی گہرائی ہے پھر مرے گھر کی فضاؤں میں ہوا سناٹا پھر در و بام سے اندیشۂ گویائی ہے تجھ سے بچھڑوں تو کوئی پھول نہ مہکے مجھ میں دیکھ کیا کرب ہے کیا ذات کی سچائی ہے تیرا منشا ترے لہجے کی دھنک میں دیکھا تری آواز بھی شاید تری انگڑائی ہے کچھ عجب گردش پرکار سفر رکھتا ہوں دو قدم مجھ سے بھی آگے مری رسوائی ہے کچھ تو یہ ہے کہ مری راہ جدا ہے تجھ سے اور کچھ قرض بھی مجھ پر تری تنہائی ہے کس لیے مجھ سے گریزاں ہے مرے سامنے تو کیا تری راہ میں حائل مری بینائی ہے وہ ستارے جو چمکتے ہیں ترے آنگن میں ان ستاروں سے تو اپنی بھی شناسائی ہے جس کو اک عمر غزل سے کیا منسوب نصیرؔ اس کو پرکھا تو کھلا قافیہ پیمائی ہے
English rendering
Marham-e-waqt na e'jaaz-e-maseehaai hai Zindagi roz naye zakhm ki gehraai hai Phir mere ghar ki fizaaon mein hua sannata Phir dar-o-baam se andesha-e-goyaai hai Tujh se bichhṛun to koi phool na mehke mujh mein Dekh kya karb hai kya zaat ki sachchaai hai Tera mansha tere lehje ki dhanak mein dekha Teri aawaaz bhi shayad teri angṛaai hai Kuch ajab gardish-e-parkaar-e-safar rakhta hoon Do qadam mujh se bhi aage meri ruswaai hai Kuch to ye hai ke meri raah juda hai tujh se Aur kuch qarz bhi mujh par teri tanhaai hai Kis liye mujh se gurezaan hai mere saamne tu Kya teri raah mein haayil meri beenaai hai Wo sitaare jo chamakte hain tere aangan mein In sitaaron se to apni bhi shanaasaai hai Jis ko ek umr ghazal se kiya mansoob Naseerؔ Us ko parkha to khula qaafiya-paimaai hai