آ کے مجھ تک کشتیٔ مے ساقیا الٹی پھری
آ کے مجھ تک کشتیٔ مے ساقیا الٹی پھری آج کیا ندی بہی الٹی ہوا الٹی پھری آتے آتے لب پر آہ نارسا الٹی پھری وہ بھی میرا ہی دبانے کو گلا الٹی پھری مڑ کے دیکھا اس نے اور وار ابرووں کا چل گیا اک چھری سیدھی پھری اور اک ذرا الٹی پھری لا سکا نظارۂ رخسار روشن کی نہ تاب جا کے آئینہ پہ چہرہ کی ضیا الٹی پھری راست بازوں ہی کو پیسا آسماں نے رات دن وائے قسمت جب پھری یہ آسیا الٹی پھری جو بڑا بول ایک دن بولے تھے پیش آیا وہی گنبد گردوں سے ٹکرا کر صدا الٹی پھری رزق کھا کر غیر کی قسمت کا زنبور عسل تو نے دیکھا حلق تک جا کر غذا الٹی پھری تو ستائش گر ہے اس کا جو ہے تیرا مدح خواں یہ تو اے مشفق ضمیر مرحبا الٹی پھری جس پر آئی تھی طبیعت کی اسی نے کچھ نہ قدر جنس دل مانند جنس ناروا الٹی پھری یا تو کشی ڈوبتی تھی یا چلی ساحل سے دور وائے ناکامی پھری بھی تو ہوا الٹی پھری گرنے والا ہے کسی دشمن پہ کیا تیر شہاب آسماں تک جا کے کیوں آہ رسا الٹی پھری جی گیا میں اس کے آ جانے سے دشمن مر گیا دیکھ کر عیسیٰ کو بالیں پر قضا الٹی پھری مر گیا بے موت میں آخر اجل بھی دور ہے کوچۂ قاتل کا بتلا کر پتا الٹی پھری ہجر کی شب مجھ کو الٹی سانس لیتے دیکھ کر ایک ہی دم میں وہاں جا کر صبا الٹی پھری ہے مرا ویرانۂ غم نظمؔ ایسا ہولناک موج سیل آئی تو لے کر بوریا الٹی پھری
English rendering
Aa ke mujh tak kashti-e-may saqiya ulati phiri Aaj kya nadi bahi ulti hawa ulti phiri Aate aate lab par aah-e-narsa ulti phiri Wo bhi mera hi dabane ko gala ulti phiri Mud ke dekha us ne aur waar abruon ka chal gaya Ek chhuri seedhi phiri aur ek zara ulti phiri La saka nazzara-e-rukhsar-e-raushan ki na taab Ja ke aaine pe chehra ki ziya ulti phiri Raast baazon hi ko peesa aasman ne raat din Waae qismat jab phiri ye aasiya ulti phiri Jo bada bol ek din bole the pesh aaya wahi Gunbad-e-gardo se takra kar sada ulti phiri Rizq kha kar ghair ki qismat ka zambur-e-asal Tu ne dekha halaq tak ja kar ghiza ulti phiri Tu sitaish gar hai us ka jo hai tera madh-khwan Ye to aye mushfiq zameer marhaba ulti phiri Jis par aayi thi tabiyat ki usi ne kuch na qadr Jins-e-dil manind-e-jins-e-na-rawa ulti phiri Ya to kashti doobti thi ya chali sahil se dur Waae nakami phiri bhi to hawa ulti phiri Girne wala hai kisi dushman pe kya teer-e-shahab Aasman tak ja ke kyun aah-e-rasa ulti phiri Ji gaya main us ke aa jaane se dushman mar gaya Dekh kar Isa ko balin par qaza ulti phiri Mar gaya be-maut main aakhir ajal bhi dur hai Koocha-e-qatil ka batla kar pata ulti phiri Hijr ki shab mujh ko ulti saans lete dekh kar Ek hi dam mein wahan ja kar saba ulti phiri Hai mera virana-e-gham Nazm aisa haulnaak Mauj-e-sail aayi to le kar boriya ulti phiri