احسان لے نہ ہمت مردانہ چھوڑ کر
احسان لے نہ ہمت مردانہ چھوڑ کر رستہ بھی چل تو سبزۂ بیگانہ چھوڑ کر مرنے کے بعد پھر نہیں کوئی شریک حال جاتا ہے شمع کشتہ کو پروانہ چھوڑ کر ہونٹوں پہ آج تک ہیں شب عیش کے مزے ساقی کا لب لیا لب پیمانہ چھوڑ کر افعی نہیں کھلی ہوئی زلفوں کا عکس ہے جاتے کہاں ہو آئینہ و شانہ چھوڑ کر طول امل پہ دل نہ لگانا کہ اہل بزم جائیں گے ناتمام یہ افسانہ چھوڑ کر لبریز جام عمر ہوا آ گئی اجل لو اٹھ گئے بھرا ہوا پیمانہ چھوڑ کر اس پیر زال دہر کی ہم ٹھوکروں میں ہیں جب سے گئی ہے ہمت مردانہ چھوڑ کر پہروں ہمارا آپ میں آنا محال ہے کوسوں نکل گیا دل دیوانہ چھوڑ کر اترا جو شیشہ طاق سے زاہد کا ہے یہ حال کرتا ہے رقص سجدۂ شکرانہ چھوڑ کر یہ سمعۂ و ریا تو نشانی ہے کفر کی زنار باندھ سبحۂ صد دانہ چھوڑ کر رندان مے کدہ بھی ہیں اے خضر منتظر بستی میں آئیے کبھی ویرانہ چھوڑ کر احسان سر پہ لغزش مستانہ کا ہوا ہم دو قدم نہ جا سکے مے خانہ چھوڑ کر وادی بہت مہیب ہے بیم و امید کا دیکھیں گے شیر پر دل دیوانہ چھوڑ کر رو رو کے کر رہی ہے صراحی وداع اسے جاتا ہے دور دور جو پیمانہ چھوڑ کر توبہ تو کی ہے نظمؔ بنا ہوگی کس طرح کیوں کر جیو گے مشرب رندانہ چھوڑ کر
English rendering
Ehsaan le na himmat-e-mardana chhod kar Rasta bhi chal to sabza-e-begana chhod kar Marne ke baad phir nahin koi shareek-e-haal Jata hai shama-e-kushta ko parwana chhod kar Honton pe aaj tak hain shab-e-aish ke maze Saqi ka lab liya lab-e-paimana chhod kar Af'i nahin khuli hui zulfon ka aks hai Jate kahan ho aaina o shana chhod kar Tool-e-amal pe dil na lagana ke ahl-e-bazm Jaenge natamam ye afsana chhod kar Labrez jam-e-umar hua aa gayi ajal Lo uth gaye bhara hua paimana chhod kar Is peer-e-zaal-e-dahr ki hum thokaron mein hi hain Jab se gayi hai himmat-e-mardana chhod kar Pahron hamara aap mein aana mahal hai Koson nikal gaya dil-e-dewana chhod kar Utra jo shisha taaq se zahid ka hai ye haal Karta hai raqs-e-sajda-e-shukrana chhod kar Ye sama'a o riya to nishani hai kufr ki Zunnar baandh subha-e-sad-dana chhod kar Rindan-e-maykada bhi hain aye Khizr muntazir Basti mein aaiye kabhi veerana chhod kar Ehsaan sar pe laghzish-e-mastana ka hua Hum do qadam na ja sake may-khana chhod kar Waadi bahut muheeb hai beem o ummeed ka Dekhenge sher par dil-e-dewana chhod kar Ro ro ke kar rahi hai surahi widaa use Jata hai dur dur jo paimana chhod kar Tauba to ki hai Nazm bana hogi kis tarah Kyun kar jiyoge mashrab-e-rindana chhod kar