کس لیے پھرتے ہیں یہ شمس و قمر دونوں ساتھ
کس لیے پھرتے ہیں یہ شمس و قمر دونوں ساتھ کس کو یہ ڈھونڈتے ہیں برہنہ سر دونوں ساتھ کیسی یارب یہ ہوا صبح شب وصل چلی بجھ گیا دل مرا اور شمع سحر دونوں ساتھ بعد میرے نہ رہا عشق کی منزل کا نشاں مٹ گئے راہرو و راہ گزر دونوں ساتھ اے جنوں دیکھ اسی صحرا میں اکیلا ہوں میں رہتے جس دشت میں ہیں خوف و خطر دونوں ساتھ مجھ کو حیرت ہے شب عیش کی کوتاہی پر یا خدا آئے تھے کیا شام و سحر دونوں ساتھ اس نے پھیری نگۂ ناز یہ معلوم ہوا کھنچ گیا سینے سے تیر اور جگر دونوں ساتھ غم کو دی دل نے جگہ دل کو جگہ پہلو نے ایک گوشے میں کریں گے یہ بسر دونوں ساتھ اس کو روکوں میں الٰہی کہ سنبھالوں اس کو کہ تڑپنے لگے دل اور جگر دونوں ساتھ ناز بڑھتا گیا بڑھتے گئے جوں جوں گیسو بلکہ لینے لگے اب زلف و کمر دونوں ساتھ تجھ سے مطلب ہے نہیں دنیا و عقبیٰ سے غرض تو نہیں جب تو اجڑ جائیں یہ گھر دونوں ساتھ بات سننا نہ کسی چاہنے والے کی کبھی کان میں پھونک رہے ہیں یہ گہر دونوں ساتھ آندھیاں آہ کی بھی اشک کا سیلاب بھی ہے دیتے ہیں دل کی خرابی کی خبر دونوں ساتھ کیا کہوں زہرہ و خورشید کا عالم اے نظمؔ نکلے خلوت سے جوں ہی وقت سحر دونوں ساتھ
English rendering
Kis liye phirte hain ye shams o qamar donon saath Kis ko ye dhundte hain barahana sar donon saath Kaisi ya Rab ye hawa subh-e-shab-e-wasl chali Bujh gaya dil mera aur shama-e-sahar donon saath Baad mere na raha ishq ki manzil ka nishan Mit gaye rah-rau o rah-guzar donon saath Aye junoon dekh isi sahra mein akela hoon main Rehte jis dasht mein hain khauf o khatar donon saath Mujh ko hairat hai shab-e-aish ki kotahi par Ya Khuda aaye the kya sham o sahar donon saath Us ne pheri nigah-e-naz ye maloom hua Khinch gaya seene se teer aur jigar donon saath Gham ko di dil ne jagah dil ko jagah pahlu ne Ek goshe mein karenge ye basar donon saath Is ko rokun main Ilahi ke sambhalun is ko Ke tadapne lage dil aur jigar donon saath Naz badhta gaya badhte gaye jun jun gesu Balke lene lage ab zulf o kamar donon saath Tujh se matlab hai nahin dunya o uqba se gharz Tu nahin jab to ujad jayen ye ghar donon saath Baat sunna na kisi chahne wale ki kabhi Kaan mein phoonk rahe hain ye guhar donon saath Aandhiyan aah ki bhi ashk ka sailaab bhi hai Dete hain dil ki kharabi ki khabar donon saath Kya kahun Zohra o Khursheed ka aalam aye Nazm Nikle khalwat se jun hi waqt-e-sahar donon saath