کیا کاروان ہستی گزرا روا روی میں
کیا کاروان ہستی گزرا روا روی میں فردا کو میں نے دیکھا گرد و غبار دی میں تھے محو لالہ و گل کس کیف بے خودی میں زخم جگر کے ٹانکے ٹوٹے ہنسی ہنسی میں یاران بزم عشرت ڈھونڈوں کہاں میں تم کو تاروں کی چھاؤں میں یا پچھلے کی چاندنی میں ہر عقدہ میں جہاں کے پوشیدہ ہے کشاکش ہے موج خندۂ گل پنہاں کلی کلی میں زخموں میں خود چمک ہے اور اس پہ یہ ستم ہے رنگ پریدہ سے میں رہتا ہوں چاندنی میں ہم کس شمار میں تھے پرسش جو ہم سے ہوتی یہ امتیاز پایا آشوب آگہی میں حکم قضا ہو جیسا سرزد ہو فعل ویسا بندہ کا دخل بھی ہے پھر اس کہی بدی میں رفتار سایہ کو ہے پست و بلند یکساں ٹھوکر کبھی نہ کھائے راہ فروتنی میں وجد آ گیا فلک کو غش آ گیا زمیں کو دو طرح کے اثر تھے اک صوت سرمدی میں تعبیر اس کی شاید ایک واپسیں نفس ہو جو خواب دیکھتے تھے ہم ساری زندگی میں لائی حباب تک کو سیل فنا بہا کر اک آہ کھینچنے کو اک دم کی زندگی میں محشر کی آفتوں کا دھڑکا نہیں رہا اب سو حشر میں نے دیکھے دو دن کی زندگی میں پہلو میں تو ہو اے دل پھر حسرتیں ہزاروں کس بات کی کمی ہے تیری سلامتی میں پرسان حال وہ ہو اور سامنے بلا کر کیا جانیے زباں سے کیا نکلے بے خودی میں تو ایک ظل ہستی پھر کیسی خود پرستی سایہ کی پرورش ہے دامان بے خودی میں حائل بس اک نفس ہے محشر میں اور ہم میں پردہ حباب کا ہے فردا میں اور دی میں آنکھیں دکھا رہی ہے دن سے مجھے شب غم آثار تیرگی کے ہیں دن کی روشنی میں تو نے تو اپنے در سے مجھ کو اٹھا دیا ہے پرچھائیں پھر رہی ہے میری اسی گلی میں سجدہ کا حکم مجھ کو تو نے تو اب دیا ہے پہلے ہی لکھ چکا ہوں میں خط بندگی میں اے نظمؔ چھیڑ کر ہم تجھ کو ہوئے پشیماں کیا جانتے تھے ظالم رو دے گا دل لگی میں
English rendering
Kya karwan-e-hasti guzra rawa-rawi mein Farda ko main ne dekha gard o ghubar-e-di mein The mahw-e-lala o gul kis kaif-e-be-khudi mein Zakhm-e-jigar ke tanke toote hansi hansi mein Yaran-e-bazm-e-ishrat dhundun kahan main tum ko Taron ki chhaon mein ya pichhle ki chandni mein Har uqda mein jahan ke poshida hai kashaakash Hai mauj-e-khanda-e-gul pinhan kali kali mein Zakhmon mein khud chamak hai aur is pe ye sitam hai Rang-e-pareeda se main rehta hoon chandni mein Hum kis shumar mein the pursish jo hum se hoti Ye imtiyaz paya ashoob-e-aagahi mein Hukm-e-qaza ho jaisa sarzad ho fe'l waisa Banda ka dakhl bhi hai phir is kahi badi mein Raftaar-e-saya ko hai past o buland yaksaan Thokar kabhi na khaaye rah-e-furotani mein Wajd aa gaya falak ko ghash aa gaya zamin ko Do tarah ke asar the ek saut-e-sarmadi mein Ta'beer is ki shayad ek wapasin nafas ho Jo khwab dekhte the hum saari zindagi mein Laayi habab tak ko sail-e-fana baha kar Ek aah khinchne ko ek dam ki zindagi mein Mahshar ki aafton ka dhadka nahin raha ab Sau hashra main ne dekhe do din ki zindagi mein Pahlu mein tu ho aye dil phir hasraten hazaron Kis baat ki kami hai teri salamati mein Pursan haal wo ho aur samne bula kar Kya jaaniye zaban se kya nikle be-khudi mein Tu ek zill-e-hasti phir kaisi khud-parasti Saya ki parwarish hai daman-e-be-khudi mein Haail bas ek nafas hai mahshar mein aur hum mein Parda habab ka hai farda mein aur di mein Aankhein dikha rahi hai din se mujhe shab-e-gham Aasar-e-teeragi ke hain din ki raushni mein Tu ne to apne dar se mujh ko utha diya hai Parchhaiyan phir rahi hai meri isi gali mein Sajda ka hukm mujh ko tu ne to ab diya hai Pehle hi likh chuka hoon main khat-e-bandagi mein Aye Nazm chhed kar hum tujh ko hue pashiman Kya jante the zalim ro dega dillagi mein