مجھ کو سمجھو یادگار رفتگان لکھنؤ
مجھ کو سمجھو یادگار رفتگان لکھنؤ ہوں قد آدم غبار کاروان لکھنؤ خون حسرت کہہ رہا ہے داستان لکھنؤ رہ گیا ہے اب یہی رنگیں بیان لکھنؤ گوش عبرت سے سنے کوئی مری فریاد ہے بلبل خونیں نوائے بوستان لکھنؤ میرے ہر آنسو میں اک آئینۂ تصویر ہے میرے ہر نالہ میں ہے طرز فغان لکھنؤ ڈھونڈھتا ہے اب کسے لے کر چراغ آفتاب کیوں مٹایا اے فلک تو نے نشان لکھنؤ لکھنؤ جن سے عبارت تھی ہوئے وہ ناپدید ہے نشان لکھنؤ باقی نہ شان لکھنؤ اب نظر آتا نہیں وہ مجمع اہل کمال کھا گئے ان کو زمین و آسمان لکھنؤ پہلے تھا اہل زباں کا دور اب گردش میں ہیں چاہئے تھی تیغ اردو کو فسان لکھنؤ مرثیہ گو کتنے یکتائے زمانہ تھے یہاں کوئی تو اتنوں میں ہوتا نوحہ خوان لکھنؤ یہ غبار ناتواں خاکستر پروانہ ہے خاندان اپنا تھا شمع دودمان لکھنؤ چلتا تھا جب گھٹنیوں اپنے یہاں طفل رضیع سجدہ کرتے تھے اسے گردن کشان لکھنؤ عہد پیرانہ سری میں کیوں نہ شیریں ہو سخن بچپنے میں میں نے چوسی ہے زبان لکھنؤ گلشن فردوس پر کیا ناز ہے رضواں تجھے پوچھ اس کے دل سے جو ہے رتبہ دان لکھنؤ بوئے انس آتی ہے حیدرؔ خاک مٹیا برج سے جمع ہیں اک جا وطن آوارگان لکھنؤ
English rendering
Mujh ko samjho yaadgar-e-raftagaan Lucknow Hoon qad-e-adam ghubar-e-karwan Lucknow Khoon-e-hasrat keh raha hai daastan Lucknow Reh gaya hai ab yahi rangeen bayan Lucknow Gosh-e-ibrat se sune koi meri fariyad hai Bulbul-e-khoonin-nawa-e-boostan Lucknow Mere har aansu mein ek aaina-e-tasveer hai Mere har nala mein hai tarz-e-fughan Lucknow Dhundhta hai ab kise le kar chiragh-e-aaftab Kyun mitaya aye falak tu ne nishan Lucknow Lucknow jin se ibarat thi hue wo napadeed Hai nishan Lucknow baqi na shan Lucknow Ab nazar aata nahin wo majma-e-ahl-e-kamal Kha gaye un ko zamin o aasman Lucknow Pehle tha ahl-e-zaban ka daur ab gardish mein hain Chahiye thi tegh-e-Urdu ko fasan Lucknow Marsiya-go kitne yakta-e-zamana the yahan Koi to itnon mein hota nauha-khwan Lucknow Ye ghubar-e-natwan khakastar-e-parwana hai Khandan apna tha shama-e-doodman Lucknow Chalta tha jab ghutniyon apne yahan tifl-e-razee Sajda karte the use gardan-kashan Lucknow Ahad-e-peerana-sari mein kyun na shireen ho sukhan Bachpane mein main ne choosi hai zaban Lucknow Gulshan-e-firdaus par kya naz hai Rizwan tujhe Puchh us ke dil se jo hai rutba-dan Lucknow Boo-e-uns aati hai Haidar khak-e-Matiya Burj se Jama hain ek ja watan-aawargaan Lucknow