پھری ہوئی مری آنکھیں ہیں تیغ زن کی طرف
پھری ہوئی مری آنکھیں ہیں تیغ زن کی طرف چلا ہے چھوڑ کے بسمل مجھے ہرن کی طرف بنایا توڑ کے آئینہ آئینہ خانہ نہ دیکھی راہ جو خلوت سے انجمن کی طرف رہ وفا کو نہ چھوڑا وہ عندلیب ہوں میں چھٹا قفس سے تو پرواز کی چمن کی طرف گریز چاہئے طول امل سے سالک کو سنا ہے راہ یہ جاتی ہے راہزن کی طرف سرائے دہر میں سوؤ گے غافلو کب تک اٹھو تو کیا تمہیں جانا نہیں وطن کی طرف جو اہل دل ہیں الگ ہیں وہ اہل ظاہر سے نہ میں ہوں شیخ کی جانب نہ برہمن کی طرف جہان حادثہ آگین میں بشر کا ورود گزر حباب کا دریائے موجزن کی طرف اسی امید پہ ہم دن خزاں کے کاٹتے ہیں کبھی تو باد بہار آئے گی چمن کی طرف بچھڑ کے تجھ سے مجھے ہے امید ملنے کی سنا ہے روح کو آنا ہے پھر بدن کی طرف گواہ کون مرے قتل کا ہو محشر میں ابھی سے سارا زمانہ ہے تیغ زن کی طرف خبر دی اٹھ کے قیامت نے اس کے آنے کی خدا ہی خیر کرے رخ ہے انجمن کی طرف وہ اپنے رخ کی صباحت کو آپ دیکھتے ہیں جھکے ہوئے گل نرگس ہیں یاسمن کی طرف تمام بزم ہے کیا محو اس کی باتوں میں نظر دہن کی طرف کان ہے سخن کی طرف اسیر ہو گیا دل گیسوؤں میں خوب ہوا چلا تھا ڈوب کے مرنے چہ ذقن کی طرف یہ میکشوں کی ادا ابر تر بھی سیکھ گئے کنار جو سے جو اٹھے چلے چمن کی طرف زہے نصیب جو ہو کربلا کی موت اے نظمؔ کہ اڑ کے خاک شفا آئے خود کفن کی طرف
English rendering
Phiri hui meri aankhein hain tegh-zan ki taraf Chala hai chhod ke bismil mujhe haran ki taraf Banaya tod ke aaina aaina-khana Na dekhi rah jo khalwat se anjuman ki taraf Rah-e-wafa ko na chhoda wo andaleeb hoon main Chhuta qafas se to parwaz ki chaman ki taraf Gureez chahiye tul-e-amal se salik ko Suna hai rah ye jati hai rahzan ki taraf Saraye-e-dahar mein sowoge ghafilo kab tak Utho to kya tumhein jana nahin watan ki taraf Jo ahl-e-dil hain alag hi hain wo ahl-e-zahir se Na main hoon shaikh ki janib na barahman ki taraf Jahan hadsa-aageen mein bashar ka warood Guzar habab ka darya-e-maujzan ki taraf Isi ummeed pe hum din khazan ke kat'te hain Kabhi to baad-e-bahar aayegi chaman ki taraf Bichhad ke tujh se mujhe hai ummeed milne ki Suna hai rooh ko aana hai phir badan ki taraf Gawah kaun mere qatl ka ho mahshar mein Abhi se sara zamana hai tegh-zan ki taraf Khabar di uth ke qiyamat ne us ke aane ki Khuda hi khair kare rukh hai anjuman ki taraf Wo apne rukh ki sabahat ko aap dekhte hain Jhuke hue gul-e-nargis hain yasmin ki taraf Tamam bazm hai kya mahw us ki baton mein Nazar dahan ki taraf kaan hai sukhan ki taraf Aseer ho gaya dil gaisuon mein khoob hua Chala tha doob ke marne chah-e-zaqan ki taraf Ye maikashon ki ada abr-e-tar bhi seekh gaye Kinar-e-ju se jo uthe chale chaman ki taraf Zahe naseeb jo ho Karbala ki maut aye Nazm Ke ud ke khak-e-shifa aaye khud kafan ki taraf