پرسش جو ہوگی تجھ سے جلاد کیا کرے گا
پرسش جو ہوگی تجھ سے جلاد کیا کرے گا لے خون میں نے بخشا تو یاد کیا کرے گا ہوں دام میں پر افشاں اور سادگی سے حیراں کیوں تیز کی ہیں چھریاں صیاد کیا کرے گا ظالم یہ سوچ کر اب دیتا ہے بوسۂ لب جب ہونٹ سی دیئے پھر فریاد کیا کرے گا زنجیر تار داماں ہے طوق اک گریباں زور جنوں نہ کم ہو حداد کیا کرے گا ہم ڈوب کر مریں گے حسرت رہے گی تجھ کو جب خاک ہی نہ ہوگی برباد کیا کرے گا یعقوب قطع کر دیں امید وصل دل سے یوسف سا بندہ کوئی آزاد کیا کرے گا دل لے کے پوچھتا ہے تو کس کا شیفتہ ہے بھولا ابھی سے ظالم پھر یاد کیا کرے گا اے خط بیاض عارض درکار ہے جو تجھ کو تحریر حسن کی کچھ روداد کیا کرے گا کنج قفس سے اک دن ہوگی رہائی اپنی مر جائیں گے تو آخر صیاد کیا کرے گا مثل سپند دل ہے بیتاب سوز غم میں رہ جائے گا تڑپ کر فریاد کیا کرے گا اے شیخ بھر گیا ہے کیوں وعظ کی ہوا میں ریش سفید اپنی برباد کیا کرے گا ظلم و ستم سے بھی اب ظالم نے ہاتھ کھینچا اس سے ستم وہ بڑھ کر ایجاد کیا کرے گا ازبسکہ بے ہنر ہوں میں ننگ معترض ہوں مضموں پہ میرے کوئی ایراد کیا کرے گا اے نظمؔ جس کو چاہے وہ دے بہشت دوزخ نمرود کیا کرے گا شداد کیا کرے گا
English rendering
Pursish jo hogi tujh se jallad kya karega Le khoon main ne bakhsha tu yaad kya karega Hoon daam mein par afshan aur saadgi se hairan Kyun tez ki hain chhuriyan sayyad kya karega Zalim ye soch kar ab deta hai bosa lab Jab honth si diye phir fariyad kya karega Zanjeer-e-tar-e-damaan hai tauq ek gareban Zor-e-junoon na kam ho haddad kya karega Hum doob kar marenge hasrat rahegi tujh ko Jab khak hi na hogi barbaad kya karega Yaqub qata kar den ummeed-e-wasl dil se Yusuf sa banda koi azad kya karega Dil le ke puchhta hai tu kis ka shaifta hai Bhoola abhi se zalim phir yaad kya karega Aye khat-e-bayaz-e-aariz darkar hai jo tujh ko Tehreer-e-husn ki kuch rudad kya karega Kunj-e-qafas se ek din hogi rihaai apni Mar jaenge to aakhir sayyad kya karega Misl-e-sapand dil hai betaab soz-e-gham mein Reh jayega tadap kar fariyad kya karega Aye shaikh bhar gaya hai kyun waiz ki hawa mein Resh-e-safed apni barbaad kya karega Zulm o sitam se bhi ab zalim ne haath khincha Is se sitam wo badh kar ijad kya karega Az-bas-ke be-hunar hoon main nang-e-mu'tariz hoon Mazmoon pe mere koi airad kya karega Aye Nazm jis ko chahe wo de behisht dozakh Namrud kya karega shaddad kya karega