سبحہ ہے زنار کیوں کیسی کہی
سبحہ ہے زنار کیوں کیسی کہی زاہد عیار کیوں کیسی کہی کٹ گئے اغیار کیوں کیسی کہی چھا گئی ہر بار کیوں کیسی کہی ہیں یہ سب اقرار جھوٹے یا نہیں کیجئے اقرار کیوں کیسی کہی روٹھنے سے آپ کا مطلب یہ ہے اس کو آئے پیار کیوں کیسی کہی کہہ دیا میں نے سحر ہے جھوٹ موٹ ہو گئے بیدار کیوں کیسی کہی ایک تو کہتے ہیں صدہا بھپتیاں اور پھر اصرار کیوں کیسی کہی ناصحا یہ بحث دیوانوں کے ساتھ عقل کی ہے مار کیوں کیسی کہی یا خفا تھے یا ذرا سی بات پر ہو گئی بوچھار کیوں کیسی کہی مجھ سے بیعت کر لے تو بھی واعظا ہاتھ لانا یار کیوں کیسی کہی سرمہ دے کر دل کے لینے کا ہے قصد آنکھ تو کر چار کیوں کیسی کہی جان دے دے چل کے در پر یار کے او دل بیمار کیوں کیسی کہی کیا ہی بگڑے ہو پتے کی بات پر ہو گئے بیزار کیوں کیسی کہی اب تو حیدرؔ اور ہی کچھ رنگ ہیں مانتا ہوں یار کیوں کیسی کہی
English rendering
Subha hai zunnar kyun kaisi kahi Zahid-e-ayyar kyun kaisi kahi Kat gaye aghyar kyun kaisi kahi Chha gayi har baar kyun kaisi kahi Hain ye sab iqrar jhoote ya nahin Kijiye iqrar kyun kaisi kahi Roothne se aap ka matlab ye hai Is ko aaye pyar kyun kaisi kahi Keh diya main ne sahar hai jhoot moot Ho gaye bedar kyun kaisi kahi Ek to kehte hain sadha bhaptiyan Aur phir israr kyun kaisi kahi Naaseha ye bahas deewanon ke saath Aql ki hai maar kyun kaisi kahi Ya khafa the ya zara si baat par Ho gayi bochhar kyun kaisi kahi Mujh se bai'at kar le tu bhi waiza Haath lana yaar kyun kaisi kahi Surma de kar dil ke lene ka hai qasd Aankh to kar chaar kyun kaisi kahi Jaan de de chal ke dar par yaar ke O dil-e-beemar kyun kaisi kahi Kya hi bigde ho pate ki baat par Ho gaye bezaar kyun kaisi kahi Ab to Haidar aur hi kuch rang hain Manta hoon yaar kyun kaisi kahi