ہوں ازل سے منتظر بیٹھا ہوا
ہوں ازل سے منتظر بیٹھا ہوا اک قیامت آپ کا وعدہ ہوا وہ تو الزام جفا سے بچ گئے عشق میرا مفت میں رسوا ہوا سارے طوفاں موج بن کر رہ گئے اشک غم قطرہ سے جب دریا ہوا جب مٹے ارمان و حسرت سینکڑوں درد دل میں تب کہیں پیدا ہوا بات جو نظروں نے نظروں سے کہی دور تک اس بات کا چرچا ہوا ان کو دیکھا تھا بس اتنا یاد ہے بے خودی میں جانے پھر کیا کیا ہوا آپ کے دامن تلک پہنچے نہ آنچ شعلۂ غم دل میں ہے بھڑکا ہوا ایک تیرے روٹھنے سے ہے یہ حال جیسے ہو سارا جہاں روٹھا ہوا عالم جوش جنوں میں بارہا مجھ کو خود پر آپ کا دھوکا ہوا میں تو خود ارمانوں سے بیزار تھا تم نے بھی ٹھکرا دیا تو کیا ہوا میں ادھر غرق ندامت اور ادھر بحر رحمت جوش میں آیا ہوا تیری اس بخشش کو یا رب کیا کہوں دل دیا بھی مجھ کو تو ٹوٹا ہوا ہے تصور میں بھی آنے سے حجاب اک قیامت آپ کا پردا ہوا شعر میرا سحر ہے ساحرؔ ہوں میں سر سے پا تک درد میں ڈوبا ہوا
English rendering
Hoon azal se muntazir baitha hua Ek qayamat aap ka wada hua Woh to ilzam-e-jafa se bach gaye Ishq mera muft mein ruswa hua Saare toofan mauj ban kar rah gaye Ashk-e-gham qatra se jab darya hua Jab mite armaan-o-hasrat sainkaron Dard-e-dil mein tab kahin paida hua Baat jo nazron ne nazron se kahi Door tak us baat ka charcha hua Un ko dekha tha bas itna yaad hai Be-khudi mein jaane phir kya kya hua Aap ke daman talak pahunche na aanch Shola-e-gham dil mein hai bhadka hua Ek tere roothne se hai ye haal Jaise ho sara jahan rootha hua Aalam-e-josh-e-junoon mein barha Mujh ko khud par aap ka dhoka hua Main to khud armaanon se be-zar tha Tum ne bhi thukra diya to kya hua Main idhar gharq-e-nadamat aur udhar Bahr-e-rehmat josh mein aaya hua Teri is bakhshish ko ya Rabb kya kahun Dil diya bhi mujh ko to toota hua Hai tasawwur mein bhi aane se hijab Ek qayamat aap ka parda hua Sher mera sehr hai Sahir hoon main Sar se pa tak dard mein dooba hua