ساحر بھوپالی

English rendering

Main ne paayi nahin jeene ki saza kaun se din Mujh ko aaya nahin marne ka maza kaun se din Raas aayi mujhe furqat ki hawa kaun se din Main ne maangi nahin marne ki dua kaun se din Kab hari hogi tamannaon ki kheti ya Rabb Chhaayegi jhoom ke rehmat ki ghata kaun se din Hai yehi waqt karam ka ke hoon khud se bezaar Kaam aayegi teri shan-e-ata kaun se din Kis liye tod diya aasra tum ne dil ka Main ne chaha tha wafaon ka sila kaun se din Aayenge jab mere pehlu mein woh sharmaye hue Woh ghadi aayegi aye mere Khuda kaun se din Main to tayyar hoon mitne ko tum awaz to do Aazmaoge tum ab meri wafa kaun se din Mujh ko khichwaayegi kab daar pe wahshat Sahir Paunga apni mohabbat ka sila kaun se din