نہ جس میں حادثے غم کے ہوں زندگی کے لئے
نہ جس میں حادثے غم کے ہوں زندگی کے لئے وہ زندگی تو مصیبت ہے آدمی کے لئے او بے نیاز مرے کچھ خبر بھی ہے تجھ کو مٹا رہا ہوں میں خود کو تری خوشی کے لئے ہوس پرست نہیں بندۂ خلوص ہوں میں جو میرا اپنا ہو میں بھی ہوں بس اسی کے لئے خدا کی دین ہے وہ جس کو دولت غم دے کہ فیض عشق نہیں ہے یہ ہر کسی کے لئے بس اک نگاہ تمنا نواز ہو جائے ترس گیا ہوں محبت کی زندگی کے لئے زہے نصیب کہ آئی تو ان کے ہونٹوں پر تمام عمر میں رویا تھا جس ہنسی کے لئے یہ اپنا اپنا مقدر ہے اپنا اپنا نصیب کہ غم کسی کے لئے ہے خوشی کسی کے لئے کہاں وہ لذت پیہم کہ اب تو ظالم نے اٹھا رکھی ہیں جفائیں کبھی کبھی کے لئے رکھا نہ وحشت دل نے کہیں کا اے ساحرؔ نہ کوئی میرے لئے ہے نہ میں کسی کے لئے
English rendering
Na jis mein hadse gham ke hon zindagi ke liye Woh zindagi to museebat hai aadmi ke liye O be-niyaz mere kuchh khabar bhi hai tujh ko Mita raha hoon main khud ko teri khushi ke liye Hawas-parast nahin banda-e-khuloos hoon main Jo mera apna ho main bhi hoon bas usi ke liye Khuda ki den hai woh jis ko daulat-e-gham de Ke faiz-e-ishq nahin hai ye har kisi ke liye Bas ek nigah-e-tamanna-nawaz ho jaye Taras gaya hoon mohabbat ki zindagi ke liye Zahe naseeb ke aayi to un ke honton par Tamam umr main roya tha jis hansi ke liye Ye apna apna muqaddar hai apna apna naseeb Ke gham kisi ke liye hai khushi kisi ke liye Kahan woh lazzat-e-paiham ke ab to zalim ne Utha rakhi hain jafayein kabhi kabhi ke liye Rakha na wahshat-e-dil ne kahin ka ae Sahir Na koi mere liye hai na main kisi ke liye