نگاہ شرمگیں سے جب محبت بٹ رہی ہوگی
نگاہ شرمگیں سے جب محبت بٹ رہی ہوگی نہ جانے اس گھڑی کس کس کی بگڑی بن گئی ہوگی وہ عالم کون سا ہوگا وہ دنیا کون سی ہوگی جہاں حد نظر تک زندگی ہی زندگی ہوگی اسی صورت سے شاید زندگیٔ غم سنور جائے مرے حق میں تمہاری دشمنی بھی دوستی ہوگی مجھے برباد کر کے بھی نہ ہوگی مہرباں مجھ پر خبر کیا تھی نگاہ ناز اتنی مطلبی ہوگی تغافل کا تمہارے اب یہی انجام ہونا ہے تماشا میری بربادی کا دنیا دیکھتی ہوگی تصور سے بھی اس کے کانپنے لگتا ہے دل میرا جدائی کی گھڑی بھی کس قیامت کی گھڑی ہوگی وہی وقت ہوگا اے ساحرؔ وفا کی کامیابی کا ہر اک شے میں انہیں محسوس جب میری کمی ہوگی
English rendering
Nigah-e-sharmgeen se jab mohabbat bat rahi hogi Na jaane us ghadi kis kis ki bigdi ban gai hogi Woh aalam kaun sa hoga woh duniya kaun si hogi Jahan hadd-e-nazar tak zindagi hi zindagi hogi Isi surat se shayad zindagi gham sanwar jaye Mere haq mein tumhari dushmani bhi dosti hogi Mujhe barbaad kar ke bhi na hogi mehrban mujh par Khabar kya thi nigah-e-naz itni matlabi hogi Taghaful ka tumhare ab yahi anjaam hona hai Tamasha meri barbadi ka duniya dekhti hogi Tasawwur se bhi us ke kaanpne lagta hai dil mera Judai ki ghadi bhi kis qayamat ki ghadi hogi Wahi waqt hoga ae Sahir wafa ki kamyabi ka Har ek shai mein unhein mahsus jab meri kami hogi