سر کو ہوا ہے پھر وہی سودائے زندگی
سر کو ہوا ہے پھر وہی سودائے زندگی گویا ہے تیری یاد مسیحائے زندگی کیوں دم بدم فزوں ہے تمنائے زندگی شاید کہ غم ہوا ہے شناسائے زندگی کرتا پھر ان سے کون تقاضائے زندگی بس اک نظر میں ہو گیا سودائے زندگی اب کس لئے ہو مجھ کو تمنائے زندگی جب تو نہیں تو ہیچ ہے دنیائے زندگی وہ گردش مدام سے گھبرا نہ جائے کیوں جس کی امید و بیم میں کٹ جائے زندگی شہہ پا کے چشم مست کی پینا پڑی مجھے ہر چند تند و تلخ تھی صہبائے زندگی وہ تو اڑا کے لے گئی مجھ کو ہوائے شوق نا قابل عبور تھا صحرائے زندگی پروانہ کر کے ہمت مردانہ جل بجھے پھر کیوں نہ ایسی موت سے شرمائے زندگی بے آس کر کے چھوڑ گئی آرزو تو پھر راحت فزائے غم ہوئی ایذائے زندگی دل میں وفور شوق کا طوفاں لئے ہوئے پی کر چلا ہوں بزم سے صہبائے زندگی اب بے کسان شوق کی مجبوریاں نہ پوچھ تھی منحصر امید پہ احیائے زندگی اے جبر حسن دیکھ مرے بس میں کیا نہیں دنیا کے غم ہیں آج مہیائے زندگی ہر شوق پائمال ہے ہر آرزو تباہ اب کیجے کس امید پہ دعوائے زندگی ساحرؔ نہ جس کو جور زمانہ مٹا سکا وہ شرمسار مرگ ہوں رسوائے زندگی
English rendering
Sar ko hua hai phir wahi sauda-e-zindagi Goya hai teri yaad masiha-e-zindagi Kyun dam-ba-dam fuzoon hai tamanna-e-zindagi Shayad ke gham hua hai shanasai-e-zindagi Karta phir un se kaun taqaza-e-zindagi Bas ik nazar mein ho gaya sauda-e-zindagi Ab kis liye ho mujh ko tamanna-e-zindagi Jab tu nahin to heech hai dunya-e-zindagi Woh gardish-e-mudam se ghabra na jaye kyun Jis ki ummeed-o-beem mein kat jaye zindagi Sheh pa ke chashm-e-mast ki peena padi mujhe Har chand tund-o-talkh thi sahba-e-zindagi Woh to uda ke le gai mujh ko hawa-e-shauq Na qabil-e-uboor tha sahra-e-zindagi Parwana kar ke himmat-e-mardana jal bujhe Phir kyun na aisi maut se sharmaye zindagi Be-aas kar ke chhod gai aarzoo to phir Rahat faza-e-gham hui eeza-e-zindagi Dil mein wafur-e-shauq ka toofan liye hue Pi kar chala hoon bazm se sahba-e-zindagi Ab be-kasaan-e-shauq ki majbooriyan na poochh Thi munhasir ummeed pe ehya-e-zindagi Ae jabr-e-husn dekh mere bas mein kya nahin Dunya ke gham hain aaj muhayya-e-zindagi Har shauq paimal hai har aarzoo tabah Ab kijiye kis ummeed pe dawa-e-zindagi Sahir, na jis ko jaur-e-zamana mita saka Woh sharmsar-e-marg hoon ruswa-e-zindagi