یوں تو پہلو میں مرے آئے تو شرما جائے ہے
یوں تو پہلو میں مرے آئے تو شرما جائے ہے اور تصور میں وہ ظالم بے دھڑک آ جائے ہے بیٹھے بیٹھے یاد جب وہ بے وفا آ جائے ہے یوں لگے ہے جیسے دل پہلو سے نکلا جائے ہے اس کے رخ پر زلف جب شوخی سے لہرا جائے ہے کیا کہوں اس وقت دل میں کیا خیال آ جائے ہے کیا کہوں اس کی جدائی کیا غضب ڈھا جائے ہے جیتے جی ہی مجھ کو مرنے کا مزہ آ جائے ہے اتنا ہی نزدیک تجھ کو پا رہا ہوں دل سے میں جس قدر او بے وفا تو دور ہوتا جائے ہے جتنی جتنی بڑھ رہی ہیں عشق کی مجبوریاں اتنا اتنا زندگی کا لطف بڑھتا جائے ہے یاد آنا اس کا فرقت میں قیامت ہو گیا لاکھ سمجھاتا ہوں پر دل ہے کہ مچلا جائے ہے یوں نہ ٹھکرا التجا برباد دل پر رحم کر صبر کا دامن مرے ہاتھوں سے چھوٹا جائے ہے جب کمی محسوس ہوگی ان کو میری ہر جگہ وہ زمان ہجر میں نزدیک آیا جائے ہے جب نہیں ہوتا کوئی غم کا مری فریاد رس درد دل اشعار کے سانچوں میں ڈھلتا جائے ہے جب امنڈتا ہے دل پر غم وفور درد سے پھر کہاں پلکوں سے اشکوں کو سنبھالا جائے ہے ہو کے شرمندہ کوئی مائل ہو جس دم لطف پر بے خودیٔ شوق میں پھر کس سے سنبھلا جائے ہے اک پیام ناشنیدہ نالۂ نا آفرید ہائے وہ نغمہ جو ساز دل پہ گایا جائے ہے اشک بھر بھر آئے ہیں اس وقت آنکھوں میں مری اپنی بربادی کا منظر کس سے دیکھا جائے ہے شکوہ آ ہی جائے ہے ساحرؔ لب مایوس پر یورش غم سے دل ناکام گھبرا جائے ہے
English rendering
Yun to pehlu mein mere aaye to sharma jaaye hai Aur tasawwur mein woh zaalim be-dharak aa jaaye hai Baithe baithe yaad jab woh be-wafa aa jaaye hai Yun lage hai jaise dil pehlu se nikla jaaye hai Us ke rukh par zulf jab shokhi se lehraaye hai Kya kahoon us waqt dil mein kya khayaal aa jaaye hai Kya kahoon us ki judaai kya ghazab dha jaaye hai Jeete ji hi mujh ko marne ka maza aa jaaye hai Itna hi nazdeek tujh ko paa raha hoon dil se main Jis qadar o be-wafa tu door hota jaaye hai Jitni jitni barh rahi hain ishq ki majbooriyan Utna utna zindagi ka lutf barhta jaaye hai Yaad aana us ka furqat mein qayaamat ho gaya Laakh samjhaata hoon par dil hai ke machla jaaye hai Yun na thukra ilteja barbaad dil par reham kar Sabr ka daaman mere haathon se chhoota jaaye hai Jab kami mehsoos hogi un ko meri har jagah Woh zamaan-e-hijr mein nazdeek aaya jaaye hai Jab nahin hota koi gham ka meri faryaad-ras Dard-e-dil ash'aar ke saanchon mein dhalta jaaye hai Jab umandta hai dil par gham wufuur-e-dard se Phir kahan palkon se ashkon ko sambhaala jaaye hai Ho ke sharminda koi maa'il ho jis dam lutf par Be-khudi-e-shauq mein phir kis se sambhaala jaaye hai Ek payaam-e-na-shunida, naala-e-na-aafrid Haaye woh naghma jo saaz-e-dil pe gaaya jaaye hai Ashk bhar bhar aaye hain is waqt aankhon mein meri Apni barbaadi ka manzar kis se dekha jaaye hai Shikwa aa hi jaaye hai Saahir! lab-e-maayoos par Yoorish-e-gham se dil-e-nakaam ghabra jaaye hai