زہریلی تخلیق
ایک پل میں ختم ہو سکتی ہے وسعت دہر کی چوٹیوں سے چوٹیوں تک راستہ آگے خلا اور خلا کی تیرگی میں دور سے آئی ہوئی کرنوں کے رنگوں کی نمود آسماں کے پاؤں پر مہتاب و انجم کے سجود اور زمیں کی رونقوں کا وہم فکر رفت و بود بن دیے کس نے یہ تار و پود کس کے ہاتھ میں آیا نظام کائنات کس کے ذرے بن گئے دنیا ستارے آفتاب کس نے آوارہ خیالی کو پلائی فکر شیریں کی شراب کس نے یہ سب کچھ بنایا اور خود تاریک پردوں میں کہیں بیٹھا رہا کیا یہ سب پھیلاؤ میرے واسطے ہیں یا میں خود اس کی پرانی روح میں بیٹھا ہوا گن رہا ہوں اس کے اشکوں کی قطار پونچھتا ہوں اس کے آنسو مانگتا ہوں اس سے بھیک (چاہتا ہوں روح کی خاطر سکوں) وہ تو خود اس خیر و شر کے جال میں الجھا ہوا درد سے بیتاب تخلیق اذیت سے نڈھال چیخ کر کہتا ہے ''مجھ کو مار ڈال''
English rendering
Ek pal mein khatm ho sakti hai wus'at-e-dahr ki Choṭiyon se choṭiyon tak raasta Aage khala Aur khala ki tareeki mein door se aayi hui kirnon ke rangon ki namood Aasmaan ke paon par mahtab-o-anjum ke sajood Aur zameen ki raunaqon ka wahm-e-fikr-e-raft-o-bood Bin diye kis ne ye taar-o-pood Kis ke haath mein aaya nizam-e-kainat Kis ke zarre ban gaye dunya sitare aaftab Kis ne aawara khayali ko pilayi fikr-e-shireen ki sharab Kis ne ye sab kuch banaya Aur khud tareek pardo mein kahin baiṭha raha Kya ye sab phailao mere waaste hain Ya main khud us ki purani rooh mein baiṭha hua Gin raha hoon us ke ashkon ki qataar Poonchhta hoon us ke aansoo mangta hoon us se bheek (Chahta hoon rooh ki khatir sukoon) Woh to khud is khair-o-shar ke jaal mein uljha hua Dard se betaab takhleeq aziyat se niḍhal Cheekh kar kahta hai ''Mujh ko maar ḍaal''