آج پھر گردش تقدیر پہ رونا آیا
آج پھر گردش تقدیر پہ رونا آیا دل کی بگڑی ہوئی تصویر پہ رونا آیا عشق کی قید میں اب تک تو امیدوں پہ جئے مٹ گئی آس تو زنجیر پہ رونا آیا کیا حسیں خواب محبت نے دکھایا تھا ہمیں کھل گئی آنکھ تو تعبیر پہ رونا آیا پہلے قاصد کی نظر دیکھ کے دل سہم گیا پھر تری سرخئ تحریر پہ رونا آیا دل گنوا کر بھی محبت کے مزے مل نہ سکے اپنی کھوئی ہوئی تقدیر پہ رونا آیا کتنے مسرور تھے جینے کی دعاؤں پہ شکیلؔ جب ملے رنج تو تاثیر پہ رونا آیا
English rendering
Aaj phir gardish-e-taqdir pe rona aaya Dil ki bigdi hui tasvir pe rona aaya Ishq ki qaid mein ab tak to ummidon pe jiye Mit gai aas to zanjir pe rona aaya Kya haseen khwab mohabbat ne dikhaya tha hamein Khul gai aankh to ta'bir pe rona aaya Pahle qasid ki nazar dekh ke dil sahmi gaya Phir teri surkhi-e-tahreer pe rona aaya Dil ganwa kar bhi mohabbat ke maze mil na sake Apni khoi hui taqdir pe rona aaya Kitne masroor the jeene ki duaon pe Shakeel Jab mile ranj to ta'seer pe rona aaya