غم عشق رہ گیا ہے غم جستجو میں ڈھل کر
غم عشق رہ گیا ہے غم جستجو میں ڈھل کر وہ نظر سے چھپ گئے ہیں مری زندگی بدل کر تری گفتگو کو ناصح دل غم زدہ سے جل کر ابھی تک تو سن رہا تھا مگر اب سنبھل سنبھل کر نہ ملا سراغ منزل کبھی عمر بھر کسی کو نظر آ گئی ہے منزل کبھی دو قدم ہی چل کر غم عمر مختصر سے ابھی بے خبر ہیں کلیاں نہ چمن میں پھینک دینا کسی پھول کو مسل کر ہیں کسی کے منتظر ہم مگر اے امید مبہم کہیں وقت رہ نہ جائے یوں ہی کروٹیں بدل کر مرے دل کو راس آیا نہ جمود غیر فانی ملی راہ زندگانی مجھے خار سے نکل کر مری تیز گامیوں سے نہیں برق کو بھی نسبت کہیں کھو نہ جائے دنیا مرے ساتھ ساتھ چل کر کبھی یک بہ یک توجہ کبھی دفعتاً تغافل مجھے آزما رہا ہے کوئی رخ بدل بدل کر ہیں شکیلؔ زندگی میں یہ جو وسعتیں نمایاں انہیں وسعتوں سے پیدا کوئی عالم غزل کر
English rendering
Gham-e-ishq rah gaya hai gham-e-justuju mein dhal kar Woh nazar se chhup gaye hain meri zindagi badal kar Teri guftugu ko naseh dil ghamzada se jal kar Abhi tak to sun raha tha magar ab sambhal sambhal kar Na mila suragh-e-manzil kabhi umr bhar kisi ko Nazar aa gayi hai manzil kabhi do qadam hi chal kar Gham-e-umr-e-mukhtasar se abhi be-khabar hain kaliyan Na chaman mein phenk dena kisi phool ko masal kar Hain kisi ke muntazir hum magar ae ummid-e-mubham Kahin waqt rah na jaaye yun hi karwatein badal kar Mere dil ko raas aaya na jamood-e-ghair-faani Mili raah-e-zindagani mujhe khaar se nikal kar Meri tez gaamiyon se nahin barq ko bhi nisbat Kahin kho na jaaye duniya mere saath saath chal kar Kabhi yak ba yak tawajjuh kabhi daf'atan taghaful Mujhe aazma raha hai koi rukh badal badal kar Hain Shakeelؔ zindagi mein ye jo wusatein numayan Inhein wusaton se paida koi aalam ghazal kar