بدلے بدلے مرے غم خوار نظر آتے ہیں
بدلے بدلے مرے غم خوار نظر آتے ہیں مرحلے عشق کے دشوار نظر آتے ہیں کشتئ غیرت احساس سلامت یا رب آج طوفان کے آثار نظر آتے ہیں انقلاب آیا نہ جانے یہ چمن میں کیسا غنچہ و گل مجھے تلوار نظر آتے ہیں جن کی آنکھوں سے چھلکتا تھا کبھی رنگ خلوص ان دنوں مائل تکرار نظر آتے ہیں جو سنا کرتے تھے ہنس ہنس کے کبھی نامۂ شوق اب مری شکل سے بیزار نظر آتے ہیں ان کے آگے جو جھکی رہتی ہیں نظریں اپنی اس لیے ہم ہی خطاوار نظر آتے ہیں دشمن خوئے وفا رسم محبت کے حریف وہی کیا اور بھی دو چار نظر آتے ہیں جنس نایاب محبت کی خدا خیر کرے بوالہوس اس کے خریدار نظر آتے ہیں وقت کے پوجنے والے ہیں پجاری ان کے کوئی مطلب ہو تو غم خوار نظر آتے ہیں جائزہ دل کا اگر لو تو وفا سے خالی شکل دیکھو تو نمک خوار نظر آتے ہیں روز روشن میں اگر ان کو دکھاؤ تارے وہ یہ کہہ دیں گے کہ سرکار نظر آتے ہیں ہم نہ بدلے تھے نہ بدلے ہیں نہ بدلیں گے شکیلؔ ایک ہی رنگ میں ہر بار نظر آتے ہیں
English rendering
Badle badle mere gham-khwar nazar aate hain Marhale ishq ke dushwar nazar aate hain Kashti-e-ghairat-e-ehsas salamat ya Rab Aaj toofan ke aasar nazar aate hain Inqilab aaya na jaane ye chaman mein kaisa Ghuncha-o-gul mujhe talwar nazar aate hain Jin ki aankhon se chhalakta tha kabhi rang-e-khulus In dinon mail-e-takrar nazar aate hain Jo suna karte the hans hans ke kabhi nama-e-shauq Ab meri shakal se be-zar nazar aate hain Un ke aage jo jhuki rehti hain nazrein apni Is liye hum hi khata-war nazar aate hain Dushman-e-khu-e-wafa, rasm-e-mohabbat ke harif Wahi kya aur bhi do char nazar aate hain Jins-e-nayab-e-mohabbat ki Khuda khair kare Bawalahus is ke kharidar nazar aate hain Waqt ke pujne wale hain pujari un ke Koi matlab ho to gham-khwar nazar aate hain Jaiza dil ka agar lo to wafa se khali Shakal dekho to namak-khwar nazar aate hain Roz-e-roshan mein agar in ko dikhao taare Wo ye keh denge ke sarkaar nazar aate hain Hum na badle the na badle hain na badlenge Shakeel Ek hi rang mein har baar nazar aate hain