دل مرکز حجاب بنایا نہ جائے گا
دل مرکز حجاب بنایا نہ جائے گا ان سے بھی راز عشق چھپایا نہ جائے گا سر کو کبھی قدم پہ جھکایا نہ جائے گا ان کے نقوش پا کو مٹایا نہ جائے گا بے وجہ انتظار دکھانے سے فائدہ کہہ دیجئے کہ سامنے آیا نہ جائے گا آنکھوں میں اشک قلب پریشاں نظر اداس اس طرح ان کو چھوڑ کے جایا نہ جائے گا وہ خود کہیں تو شرح محبت بیاں کروں نغمہ بغیر ساز سنایا نہ جائے گا بہتر یہی ہے ذکر محبت نہ چھیڑئیے نقشہ بگڑ گیا تو بنایا نہ جائے گا دل کی طرف شکیلؔ توجہ ضرور ہو یہ گھر اجڑ گیا تو بسایا نہ جائے گا
English rendering
Dil markaz-e-hijab banaya na jayega Un se bhi raaz-e-ishq chhupaya na jayega Sar ko kabhi qadam pe jhukaya na jayega Un ke nuqush-e-pa ko mitaya na jayega Be-wajah intizar dikhane se faida Keh dijiye ke saamne aaya na jayega Aankhon mein ashk qalb pareshan nazar udaas Is tarah un ko chhod ke jaya na jayega Wo khud kahin to sharh-e-mohabbat bayan karun Naghma baghair-e-saaz sunaya na jayega Behtar yahi hai zikr-e-mohabbat na chhediye Naqsha bigad gaya to banaya na jayega Dil ki taraf Shakeel tawajjo zarur ho Ye ghar ujad gaya to basaya na jayega