ہر گوشۂ نظر میں سمائے ہوئے ہو تم
ہر گوشۂ نظر میں سمائے ہوئے ہو تم جیسے کہ میرے سامنے آئے ہوئے ہو تم میری نگاہ شوق پہ چھائے ہوئے ہو تم جلووں کو خود حجاب بنائے ہوئے ہو تم کیوں اک طرف نگاہ جمائے ہوئے ہو تم کیا راز ہے جو مجھ سے چھپائے ہوئے ہو تم دل نے تمہارے حسن کو بخشی ہیں رفعتیں دل کو مگر نظر سے گرائے ہوئے ہو تم یہ جو نیاز عشق کا احساس ہے تمہیں شاید کسی کے ناز اٹھائے ہوئے ہو تم یا مہربانیوں کے ہی قابل نہیں ہوں میں یا واقعی کسی کے سکھائے ہوئے ہو تم اب امتیاز پردہ و جلوہ نہیں مجھے چہرے سے کیوں نقاب اٹھائے ہوئے ہو تم اف رے ستم شکیلؔ یہ حالت تو ہو گئی اب بھی کرم کی آس لگائے ہوئے ہو تم
English rendering
Har gosha-e-nazar mein samaye hue ho tum Jaise ke mere saamne aaye hue ho tum Meri nigah-e-shauq pe chhaye hue ho tum Jalwon ko khud hijab banaye hue ho tum Kyun ek taraf nigah jamaye hue ho tum Kya raaz hai jo mujh se chhupaye hue ho tum Dil ne tumhare husn ko bakhshi hain rif'atain Dil ko magar nazar se giraye hue ho tum Ye jo niyaz-e-ishq ka ehsas hai tumhein Shayad kisi ke naz uthaye hue ho tum Ya meherbaniyon ke hi qabil nahin hun main Ya waqai kisi ke sikhaye hue ho tum Ab imtiaz-e-parda o jalwa nahin mujhe Chehre se kyun naqab uthaye hue ho tum Uff re sitam Shakeel ye halat to ho gai Ab bhi karam ki aas lagaye hue ho tum