موسم گل ساتھ لے کر برق و دام آ ہی گیا
موسم گل ساتھ لے کر برق و دام آ ہی گیا یعنی اب خطرے میں گلشن کا نظام آ ہی گیا وہ نگاہ مست اٹھی گردش میں جام آ ہی گیا یعنی وقت امتیاز خاص و عام آ ہی گیا جو اٹھا کرتے تھے اظہار تقدس کے لیے ان لرزتے کانپتے ہاتھوں میں جام آ ہی گیا نور و ظلمت پر تبسم کفر و دیں پر قہقہے زندگی کو نشۂ عمر دوام آ ہی گیا پاسباں کرتے رہے سرگوشیاں ہی اور کچھ ان کی محفل سے بہ عز و احترام آ ہی گیا جانے کن نظروں سے دیکھا آج ساقی نے مجھے میں تو یہ سمجھا کہ مجھ تک دور جام آ ہی گیا اب اسی کو زندگی کہہ لیجئے یا صبح مرگ آنکھ کھولی تھی کہ سر پر وقت شام آ ہی گیا ترک مے کو مدتیں گزری ہیں لیکن محتسب ساقئ مہوش اگر آتش بہ جام آ ہی گیا ہائے یہ عالم کہ اب ترک وفا کے بعد بھی دل میں ہوک اٹھی نہ اٹھی لب پہ نام آ ہی گیا لذت رنگینئ اشعار کیا کہئے شکیلؔ کچھ نہ کچھ احباب کو لطف کلام آ ہی گیا
English rendering
Mausam-e-gul saath le kar barq o dam aa hi gaya Yaani ab khatre mein gulshan ka nizam aa hi gaya Wo nigah-e-mast uthi gardish mein jam aa hi gaya Yaani waqt-e-imtiaz-e-khas o aam aa hi gaya Jo utha karte the izhar-e-taqaddus ke liye Un larazte kanpte hathon mein jam aa hi gaya Noor o zulmat par tabassum kufr o deen par qahqahe Zindagi ko nasha-e-umr-e-dawam aa hi gaya Pasban karte rahe sargoshiyan hi aur kuch Un ki mahfil se ba izz o ihtiram aa hi gaya Jaane kin nazron se dekha aaj saaqi ne mujhe Main to ye samjha ke mujh tak daur-e-jam aa hi gaya Ab isi ko zindagi keh lijiye ya subh-e-marg Aankh kholi thi ke sar par waqt-e-sham aa hi gaya Tark-e-may ko muddatain guzri hain lekin muhtasib Saaqi-e-mahvash agar aatish ba jam aa hi gaya Haye ye aalam ke ab tark-e-wafa ke baad bhi Dil mein hok uthi na uthi lab pe naam aa hi gaya Lazzat-e-rangeeni-e-ash'ar kya kahiye Shakeel Kuch na kuch ahbab ko lutf-e-kalam aa hi gaya