مری زندگی پہ نہ مسکرا مجھے زندگی کا الم نہیں
مری زندگی پہ نہ مسکرا مجھے زندگی کا الم نہیں جسے تیرے غم سے ہو واسطہ وہ خزاں بہار سے کم نہیں مرا کفر حاصل زہد ہے مرا زہد حاصل کفر ہے مری بندگی وہ ہے بندگی جو رہین دیر و حرم نہیں مجھے راس آئیں خدا کرے یہی اشتباہ کی ساعتیں انہیں اعتبار وفا تو ہے مجھے اعتبار ستم نہیں وہی کارواں وہی راستے وہی زندگی وہی مرحلے مگر اپنے اپنے مقام پر کبھی تم نہیں کبھی ہم نہیں نہ وہ شان جبر شباب ہے نہ وہ رنگ قہر عتاب ہے دل بے قرار پہ ان دنوں ہے ستم یہی کہ ستم نہیں نہ فنا مری نہ بقا مری مجھے اے شکیلؔ نہ ڈھونڈھئے میں کسی کا حسن خیال ہوں مرا کچھ وجود و عدم نہیں
English rendering
Meri zindagi pe na muskura mujhe zindagi ka alam nahin Jise tere gham se ho vaasta woh khizan bahar se kam nahin Mera kufr hasil-e-zuhd hai mera zuhd hasil-e-kufr hai Meri bandagi woh hai bandagi jo raheen-e-deir-o-haram nahin Mujhe raas aayeen Khuda kare yehi ishtibah ki saatain Unhein aitbar-e-wafa to hai mujhe aitbar-e-sitam nahin Wahi karwan wahi raaste wahi zindagi wahi marhale Magar apne apne maqam par kabhi tum nahin kabhi hum nahin Na woh shaan-e-jabr-e-shabab hai na woh rang-e-qahr-e-itaab hai Dil-e-beqarar pe in dinon hai sitam yehi ke sitam nahin Na fana meri na baqa meri mujhe ae Shakeel! na dhoondhiye Main kisi ka husn-e-khayal hoon mera kuch wujood-o-adam nahin