رقاصۂ حیات سے
پھولوں پہ رقص اور نہ بہاروں پہ رقص کر گلزار ہست و بود میں خاروں پہ رقص کر ہو کر جمود گلشن جنت سے بے نیاز دوزخ کے بے پناہ شراروں پہ رقص کر شمع سحر فسون تبسم، حیات گل فطرت کے ان عجیب نظاروں پہ رقص کر تنظیم کائنات جنوں کی ہنسی اڑا اجڑے ہوئے چمن کی بہاروں پہ رقص کر سہمی ہوئی صدائے دل ناتواں نہ سن بہکی ہوئی نظر کے اشاروں پر رقص کر جو مر کے جی رہے تھے تجھے ان سے کیا غرض تو اپنے عاشقوں کے مزاروں پہ رقص کر ہر ہر ادا ہو روح کی گہرائیوں میں گم یوں رنگ و بو کی راہ گزاروں پہ رقص کر تو اپنی دھن میں مست ہے تجھ کو بتائے کون تیری زمیں فلک ہے ستاروں پر رقص کر اس طرح رقص کر کہ سراپا اثر ہو تو کوئی نظر اٹھائے تو پیش نظر ہو تو
English rendering
Phoolon pe raqs aur na baharon pe raqs kar Gulzar-e-hast o bood mein kharon pe raqs kar Ho kar jamud-e-gulshan-e-jannat se be-niyaz DozaKh ke be-panah shararon pe raqs kar Sham-e-sahar fasun-e-tabassum, hayat-e-gul Fitrat ke in ajib nazzaron pe raqs kar Tanzim-e-kainat junun ki hansi uda Ujade hue chaman ki baharon pe raqs kar Sahmi hui sada-e-dil-e-natawan na sun Behki hui nazar ke isharon par raqs kar Jo mar ke jee rahe the tujhe un se kya gharz Tu apne ashiqon ke mazaron pe raqs kar Har har ada ho ruh ki gahraiyon mein gum Yun rang o bu ki rah-guzaron pe raqs kar Tu apni dhun mein mast hai tujh ko bataye kaun Teri zamin falak hai sitaron par raqs kar Is tarah raqs kar ke sarapa asar ho tu Koi nazar uthaye to pesh-e-nazar ho tu