رنگ دل رنگ نظر یاد آیا
رنگ دل رنگ نظر یاد آیا تیرے جلووں کا اثر یاد آیا وہ نظر بن گئی پیغام حیات حلقۂ شام و سحر یاد آیا یہ زمانہ یہ دل دیوانہ رشتۂ سنگ و گہر یاد آیا یہ نیا شہر یہ روشن راہیں اپنا انداز سفر یاد آیا راہ کا روپ بنی دھوپ اپنی کوئی سایہ نہ شجر یاد آیا کب نہ اس شہر میں پتھر برسے کب نہ اس شہر میں سر یاد آیا گھر میں تھا دشت نوردی کا خیال دشت میں آئے تو گھر یاد آیا گرد اڑتی ہے سر راہ خیال دل ناداں کا سفر یاد آیا ایک ہنستی ہوئی بدلی دیکھی ایک جلتا ہوا گھر یاد آیا اس طرح شام کے سائے پھیلے رات کا پچھلا پہر یاد آیا پھر چلے گھر سے تماشا بن کر پھر ترا روزن در یاد آیا کسی پتھر کی حقیقت ہی کیا دل کا آئینہ مگر یاد آیا آنچ دامان صبا سے آئی اعتبار گل تر یاد آیا دل جلا دھوپ میں ایسا اب کے پاؤں یاد آئے نہ سر یاد آیا گر پڑے ہاتھ سے کاغذ باقیؔ اپنی محنت کا ثمر یاد آیا
English rendering
Rang dil rang nazar yaad aaya Tere jalwon ka asar yaad aaya Woh nazar ban gayi paigham-e-hayat Halqa-e-shaam-o-sehar yaad aaya Yeh zamana yeh dil deewana Rishta-e-sang-o-gauhar yaad aaya Yeh naya shahar yeh roshan raahen Apna andaaz-e-safar yaad aaya Raah ka roop bani dhoop apni Koi saaya na shajar yaad aaya Kab na is shahar mein patthar barse Kab na is shahar mein sar yaad aaya Ghar mein tha dasht-navardi ka khayal Dasht mein aaye to ghar yaad aaya Gard udti hai sar-e-raah-e-khayal Dil-e-nadaan ka safar yaad aaya Ek hansti hui badli dekhi Ek jalta hua ghar yaad aaya Is tarah shaam ke saaye phaile Raat ka pichhla pehar yaad aaya Phir chale ghar se tamasha ban kar Phir tera rozan-e-dar yaad aaya Kisi patthar ki haqeeqat hi kya Dil ka aaina magar yaad aaya Aanch daaman-e-saba se aai Aitbar gul-e-tar yaad aaya Dil jala dhoop mein aisa ab ke Paon yaad aaye na sar yaad aaya Gir pade haath se kagaz Baqi Apni mehnat ka samar yaad aaya