باقی صدیقی

English rendering

Subh ka bhed mila kya hum ko Lag gaya raat ka dhadka hum ko Shauq-e-nazzara ka parda utha Nazar aane lagi duniya hum ko Kashtiyan toot gain hain saari Ab liye phirta hai darya hum ko Bheed mein kho gaye aakhir hum bhi Na mila jab koi rasta hum ko Talkhi-e-gham ka madawa maloom Pad gaya zehar ka chaska hum ko Tere gham se to sukoon milta hai Apne sholon ne jalaya hum ko Ghar ko yun dekh rahe hain jaise Aaj hi ghar nazar aaya hum ko Hum ke shola bhi hain aur shabnam bhi Tu ne kis rang mein dekha hum ko Jalwa-e-lala-o-gul hai deewar Kabhi milte sar-e-sehra hum ko Le udi dil ko naseem-e-sahari Boo-e-gul kar gayi tanha hum ko Sair-e-gulshan ne kiya awara Lag gaya rog saba ka hum ko Yaad aayin hain barehna shakhein Tham le ae gul-e-taza hum ko Le gaya saath uda kar Baqiؔ Ek sookha hua patta hum ko