اندیشے
روح بے چین ہے اک دل کی اذیت کیا ہے دل ہی شعلہ ہے تو یہ سوز محبت کیا ہے وہ مجھے بھول گئی اس کی شکایت کیا ہے رنج تو یہ ہے کہ رو رو کے بھلایا ہوگا وہ کہاں اور کہاں کاہش غم، سوزش جاں اس کی رنگین نظر اور نقوش حرماں اس کا احساس لطیف اور شکست ارماں طعنہ زن ایک زمانہ نظر آیا ہوگا جھک گئی ہوگی جواں سال امنگوں کی جبیں مٹ گئی ہوگی للک، ڈوب گیا ہوگا یقیں چھا گیا ہوگا دھواں، گھوم گئی ہوگی زمیں اپنے پہلے ہی گھروندے کو جو ڈھایا ہوگا دل نے ایسے بھی کچھ افسانے سنائے ہوں گے اشک آنکھوں نے پئے اور نہ بہائے ہوں گے بند کمرے میں جو خط میرے جلائے ہوں گے ایک اک حرف جبیں پر ابھر آیا ہوگا اس نے گھبرا کے نظر لاکھ بچائی ہوگی مٹ کے اک نقش نے سو شکل دکھائی ہوگی میز سے جب مری تصویر ہٹائی ہوگی ہر طرف مجھ کو تڑپتا ہوا پایا ہوگا بے محل چھیڑ پہ جذبات ابل آئے ہوں گے غم پشیمان تبسم میں ڈھل آئے ہوں گے نام پر میرے جب آنسو نکل آئے ہوں گے سر نہ کاندھے سے سہیلی کے اٹھایا ہوگا زلف ضد کر کے کسی نے جو ہٹائی ہوگی روٹھے جلووں پہ خزاں اور بھی چھائی ہوگی برق عشووں نے کئی دن نہ گرائی ہوگی رنگ چہرے پہ کئی روز نہ آیا ہوگا
English rendering
Rooh bechain hai ek dil ki aziyat kya hai Dil hi shola hai to yeh soz-e-mohabbat kya hai Woh mujhe bhool gai is ki shikayat kya hai Ranj to yeh hai ke ro ro ke bhulaya hoga Woh kahan aur kahan kahish-e-gham, sozish-e-jaan Us ki rangeen nazar aur nuqoosh-e-hirmaan Us ka ehsaas-e-lateef aur shikast-e-armaan Ta'ana zan ek zamana nazar aaya hoga Jhuk gai hogi jawaan saal umangon ki jabeen Mit gai hogi lalak, doob gaya hoga yaqeen Chha gaya hoga dhuaan, ghoom gai hogi zameen Apne pehle hi gharounde ko jo dhaaya hoga Dil ne aise bhi kuch afsane sunaye honge Ashk aankhon ne piye aur na bahaye honge Band kamre mein jo khat mere jalaye honge Ek ek harf jabeen par ubhar aaya hoga Us ne ghabra ke nazar laakh bachayi hogi Mit ke ek naqsh ne sau shakal dikhayi hogi Mez se jab meri tasweer hataayi hogi Har taraf mujh ko tadapta hua paya hoga Be-mahal chhed pe jazbaat ubal aaye honge Gham pashemaan tabassum mein dhal aaye honge Naam par mere jab aansoo nikal aaye honge Sar na kandhe se saheli ke uthaya hoga Zulf zid kar ke kisi ne jo hataayi hogi Roothe jalwon pe khazaan aur bhi chhaayi hogi Barq-e-ishwon ne kayi din na giraayi hogi Rang chehre pe kayi roz na aaya hoga