دائرہ
روز بڑھتا ہوں جہاں سے آگے پھر وہیں لوٹ کے آ جاتا ہوں بارہا توڑ چکا ہوں جن کو انہیں دیواروں سے ٹکراتا ہوں روز بستے ہیں کئی شہر نئے روز دھرتی میں سما جاتے ہیں زلزلوں میں تھی ذرا سی گرمی وہ بھی اب روز ہی آ جاتے ہیں جسم سے روح تلک ریت ہی ریت نہ کہیں دھوپ نہ سایہ نہ سراب کتنے ارمان ہیں کس صحرا میں کون رکھتا ہے مزاروں کا حساب نبض بجھتی بھی بھڑکتی بھی ہے دل کا معمول ہے گھبرانا بھی رات اندھیرے نے اندھیرے سے کہا ایک عادت ہے جئے جانا بھی قوس اک رنگ کی ہوتی ہے طلوع ایک ہی چال بھی پیمانے کی گوشے گوشے میں کھڑی ہے مسجد شکل کیا ہو گئی مے خانے کی کوئی کہتا تھا سمندر ہوں میں اور مری جیب میں قطرہ بھی نہیں خیریت اپنی لکھا کرتا ہوں اب تو تقدیر میں خطرہ بھی نہیں اپنے ہاتھوں کو پڑھا کرتا ہوں کبھی قرآں کبھی گیتا کی طرح چند ریکھاؤں میں سیماؤں میں زندگی قید ہے سیتا کی طرح رام کب لوٹیں گے معلوم نہیں کاش راون ہی کوئی آ جاتا
English rendering
Roz badhta hoon jahan se aage Phir wahin laut ke aa jata hoon Baarha tod chuka hoon jin ko Inhi deewaron se takrata hoon Roz baste hain kai shahr naye Roz dharti mein sama jaate hain Zalzalon mein thi zara si garmi Woh bhi ab roz hi aa jaate hain Jism se rooh talak ret hi ret Na kahin dhoop na saaya na saraab Kitne armaan hain kis sahra mein Kaun rakhta hai mazaaron ka hisaab Nabz bujhti bhi bhadakti bhi hai Dil ka maamool hai ghabrana bhi Raat andhere ne andhere se kaha Ek aadat hai jiye jaana bhi Qaus ek rang ki hoti hai tulu' Ek hi chaal bhi paimane ki Goshe goshe mein khadi hai masjid Shakl kya ho gayi mai-khane ki Koi kehta tha samandar hoon main Aur meri jeb mein qatra bhi nahin Khairiyat apni likha karta hoon Ab to taqdeer mein khatra bhi nahin Apne haathon ko padha karta hoon Kabhi Quran kabhi Geeta ki tarah Chand rekhaon mein seemaon mein Zindagi qaid hai Seeta ki tarah Ram kab lauten ge maloom nahin Kaash Raavan hi koi aa jata