باغ کا باغ اجڑ گیا کوئی کہو پکار کر
باغ کا باغ اجڑ گیا کوئی کہو پکار کر کس نے شفق پہ مل دیے پھولوں کے رنگ اتار کر شام کو موجۂ ہوا جانب دشت لے اڑے صبح چمن میں آ گئے خاک پہ شب گزار کر سایۂ آفتاب میں برگ و شرر ٹھٹھر گئے برف کہاں سے آ گئی دھوپ کا روپ دھار کر پاس ہی منزل مراد خاک میں تھی چھپی ہوئی راہ میں پا بریدہ لوگ بیٹھ چکے تھے ہار کر آج ترے خیال سے دل کو بہت سکوں ملا ڈوب چلی یہ موج بھی مجھ کو ابھار ابھار کر جلوۂ ماہتاب بھی شعبدۂ خیال ہے رات کے پاس کچھ نہیں صبح کا انتظار کر ولولۂ حیات کے دل میں کئی چراغ تھے وقت نے سب بجھا دیے ایک ہی پھونک مار کر
English rendering
Baagh ka baagh ujad gaya koi kaho pukaar kar Kis ne shafaq pe mal diye phoolon ke rang utaar kar Shaam ko mauj-e-hawa jaanib-e-dasht le ude Subah chaman mein aa gaye khaak pe shab guzaar kar Saya-e-aaftab mein barg-o-sharar thithar gaye Barf kahan se aa gayi dhoop ka roop dhaar kar Paas hi manzil-e-murad khaak mein thi chhupi hui Raah mein pa-bureeda log baith chuke the haar kar Aaj tere khayal se dil ko bahut sukoon mila Doob chali yeh mauj bhi mujh ko ubhaar ubhaar kar Jalwa-e-mahtab bhi sha'bada-e-khayal hai Raat ke paas kuch nahin subah ka intezar kar Walwala-e-hayaat ke dil mein kayi charagh the Waqt ne sab bujha diye ek hi phoonk maar kar