بدلتے ناموں کی داستانیں
دمکتے سورج کی آنکھ کھلنے کا وقت آیا زمیں کے لاوے نے کروٹیں لیں فلک نے دیکھا تو کانپ اٹھا یہ سرپھرے لوگ کون سے ہیں ہوا نے پوچھا سنے ہوئے عزم کے نشان ان کے زرد چہروں پہ کھل اٹھے ہیں یہ لوگ دن رات جاگتے ہیں یہ چاہتے ہیں کہ زرد مٹی پہ سرخ پھولوں کی بارشیں ہوں زمیں کی وسعت پہ قریہ قریہ محافظوں کی الگ زمیں ہو زمیں کے بے تاج بادشاہوں نے ہم کو لوٹا ہے قریہ قریہ ہماری جھولی میں بھیک ڈالی ہے بھیک میں واہمے دیے ہیں یہ واہمے ہی ہمارے گھر ہیں ہم ان گھروں میں کئی زمانوں سے رہ رہے ہیں گھروں کی دیواریں رفتہ رفتہ سمٹ رہی ہیں چھتیں دھماکوں سے پھٹ رہی ہیں ہم ان کے ملبے میں دب رہے ہیں قرن قرن جاں بہ لب رہے ہیں پھر اب تو یہ عہد کر لیا ہے یہ گھر رہیں گے یا ہم رہیں گے کبھی نہ دونوں بہم رہیں گے زمیں پہ سیلاب آنے والا ہے اس میں پوشیدہ وہ اجالا ہے جس سے صدیوں کی تیرگی پر نشے افق کی نظر پڑے گی اسی اجالے کی وسعتوں میں وہ روز ہے جس کی ایک جنبش ہر ایک دیوار توڑ دے گی لہو ستم کا نچھوڑ دے گی وہ گھر بھی مٹی پہ آ رہیں گے جو گھر نہیں ہیں ہمارے زنداں ہیں جن کی تختی بدلتی رہتی ہے نام ان کے ہزار رکھے گئے ہیں پھر بھی ہوس کے زنداں تو ایک جیسے ہیں ایک زنجیر ہی کی کڑیاں الگ الگ بھی ہیں ایک بھی ہیں
English rendering
Damakte suraj ki aankh khulne ka waqt aaya Zameen ke laave ne karwatein leen Falak ne dekha to kaanp utha Yeh sar-phire log kaun se hain hawa ne poocha Sune hue azm ke nishan un ke zard chehron pe khul uthe hain Yeh log din raat jaagte hain Yeh chahte hain ke zard mitti pe surkh phoolon ki barishein hon Zameen ki wus'at pe qarya qarya muhafizon ki alag zameen ho Zameen ke be-taaj baadshahon ne hum ko loota hai qarya qarya Hamari jholi mein bheek daali hai Bheek mein wahme diye hain Yeh wahme hi hamare ghar hain Hum un gharon mein kayi zamaanoun se reh rahe hain Gharon ki deewarein rafta rafta simat rahi hain Chhattein dhamakon se phat rahi hain Hum un ke malbe mein dab rahe hain Qarn qarn jaan ba lab reh rahe hain Phir ab to yeh ahd kar liya hai Yeh ghar rahenge ya hum rahenge Kabhi na dono baham rahenge Zameen pe sailaab aane wala hai Is mein posheeda woh ujala hai Jis se sadiyon ki teergi par nashe ufuq ki nazar padegi Isi ujale ki wus'aton mein woh roz hai jis ki ek jumbish Har ek deewar tod degi Lahoo sitam ka nichod degi Woh ghar bhi mitti pe aa rahenge Jo ghar nahin hain hamare zindan hain Jin ki takhti badalti rehti hai Naam un ke hazaar rakhe gaye hain Phir bhi hawas ke zindan to ek jaise hi hain Ek zanjeer hi ki kadiyan Alag alag bhi hain ek bhi hain