بے شمار آنکھیں
آسماں کے چہرے پر بے شمار آنکھیں ہیں بے شمار آنکھوں میں بے حساب منظر ہیں منظروں کے آئینے اپنے اپنے چہروں کو خود ہی دیکھ سکتے ہیں خود ہی جان سکتے ہیں اپنی بے نوائی کو وسعتوں کی چادر پر سلوٹیں بہت سی ہیں اس خموش دنیا میں آہٹیں بہت سی ہیں آتی جاتی لہروں کا ازدحام رہتا ہے وقت ایک خنجر ہے بے نیام رہتا ہے یہ عجیب دنیا ہے جس میں کچھ نہیں ملتا پھر بھی ایک لمحے میں بے شمار تاریخیں یوں بدلتی رہتی ہیں جیسے خشک پتوں کا ڈھیر اڑتا پھرتا ہے بے کنار سمتوں میں بے شمار سمتوں میں بے شمار آنکھیں ہیں کچھ نہیں ہے تکنے کو اور ہزار آنکھیں ہیں راستوں کے دھاگے سے ہر طرف لٹکتے ہیں خاک کے جزیرے سے ہر طرف بھٹکتے ہیں پھر بھی آسمانوں پر رات کے اندھیرے میں صبح کے سویرے ہیں یہ عجب معمہ ہے جس طرف بھی ہم دیکھیں ٹوٹتے ہوئے لمحے بھاگتے ہوئے رستے جاگتے ہوئے منظر آئنوں کے اندر بھی آئنوں کے باہر بھی ایک شور برپا ہے جس کو ہم نہیں سنتے اور وہ ہم سے کہتا ہے تم بھی میرے جیسے ہو میں بھی مٹنے والا ہوں تم بھی مٹنے والے ہو آسماں کے چہرے پر بے شمار آنکھیں ہیں بے شمار آنکھوں میں بے حساب منظر ہیں منظروں کے آئینے رنگ رنگ آئینے کے جواب منظر ہیں منظروں کے اندر بھی صد ہزار منظر ہیں وہ بھی مٹنے والے ہیں ہم بھی مٹنے والے ہیں
English rendering
Aasmaan ke chehre par be-shumar aankhen hain Be-shumar aankhon mein be-hisab manzar hain Manzaron ke aaine apne apne chehron ko khud hi dekh sakte hain Khud hi jaan sakte hain apni be-nawai ko Wusaton ki chadar par salwaten bahut si hain Is khamosh duniya mein aahaten bahut si hain Aati jaati lehron ka izdiham rehta hai Waqt ek khanjar hai Be-niyaam rehta hai Yeh ajeeb duniya hai jis mein kuch nahin milta Phir bhi ek lamhe mein be-shumar tareekhen Yun badalti rehti hain Jaise khushk patton ka dheer urta phirta hai Be-kinaar simton mein Be-shumar simton mein be-shumar aankhen hain Kuch nahin hai takne ko aur hazaar aankhen hain Raaston ke dhaage se har taraf latakte hain Khaak ke jazeere se Har taraf bhatakte hain Phir bhi aasmanon par raat ke andhere mein Subh ke sawere hain Yeh ajab mua'mma hai Jis taraf bhi hum dekhen Toot-te hue lamhe bhaagte hue raste jaagte hue manzar Aainon ke andar bhi aainon ke bahar bhi Ek shor barpa hai Jis ko hum nahin sunte Aur woh hum se kehta hai Tum bhi mere jaise ho Main bhi mitne wala hoon tum bhi mitne wale ho Aasmaan ke chehre par be-shumar aankhen hain Be-shumar aankhon mein be-hisab manzar hain Manzaron ke aaine Rang rang aaine ke jawab manzar hain Manzaron ke andar bhi sad hazaar manzar hain Woh bhi mitne wale hain Hum bhi mitne wale hain