حال اس کا ترے چہرہ پہ لکھا لگتا ہے
حال اس کا ترے چہرہ پہ لکھا لگتا ہے وہ جو چپ چاپ کھڑا ہے ترا کیا لگتا ہے یوں تری یاد میں دن رات مگن رہتا ہوں دل دھڑکنا ترے قدموں کی صدا لگتا ہے یوں تو ہر چیز سلامت ہے مری دنیا میں اک تعلق ہے کہ جو ٹوٹا ہوا لگتا ہے اے مرے جذب دروں مجھ میں کشش ہے اتنی جو خطا ہوتا ہے وہ تیر بھی آ لگتا ہے جانے میں کون سی پستی میں گرا ہوں شہزادؔ اس قدر دور ہے سورج کہ دیا لگتا ہے
English rendering
Haal us ka tere chehra pe likha lagta hai Woh jo chup chaap khada hai tera kya lagta hai Yoon teri yaad mein din raat magan rehta hoon Dil dhadakna tere qadmon ki sada lagta hai Yoon to har cheez salamat hai meri duniya mein Ik ta'alluq hai ke jo toota hua lagta hai Aye mere jazb-e-daroon mujh mein kashish hai itni Jo khata hota hai woh teer bhi aa lagta hai Jaane main kaun si pasti mein gira hoon Shehzad Is qadar door hai suraj ke diya lagta hai