جھانکتا ہے تری آنکھوں سے زمانوں کا خلا
جھانکتا ہے تری آنکھوں سے زمانوں کا خلا تیرے ہونٹوں پہ مسلط ہے بڑی دیر کی پیاس تیرے سینے میں رہا شور بہاراں کا خروش اب تو سانسوں میں نہ گرمی ہے نہ آواز نہ باس تو نے اک عمر سے بازو بھی نہیں پھیلائے پھر بھی بانہوں کو ہے صدیوں کی تھکن کا احساس تیرے چہرے پہ سکوں کھیل رہا ہے لیکن تیرے سینے میں تو طوفان گرجتے ہوں گے بزم کونین تری آنکھ میں ویران سہی ترے خوابوں کے محلات تو سمجھے ہوں گے گرچہ اب کوئی نہیں کوئی نہیں آئے گا پھر بھی آہٹ پہ ترے کان تو بجتے ہوں گے وقت ہے ناگ ترے جسم کو ڈستا ہوگا یخ کر تجھ کو ہوائیں بھی بپھرتی ہوں گی سب ترے سائے کو آسیب سمجھتے ہوں گے تجھ سے ہم جولیاں کترا کے گزرتی ہوں گی کتنی یادیں ترے اشکوں سے ابھرتی ہوں گی زندگی ہر نئے انداز کو اپناتی ہے یہ فریب اپنے لیے جال نئے بنتا ہے رقص کرتی ہے ترے ہونٹوں پہ ہلکی سی ہنسی اور جی کو کوئی روح کی طرح دھنتا ہے لاکھ پردوں میں چھپا شور اذیت لیکن دل ترے دل کے دھڑکنے کی صدا سنتا ہے تیرا غم جاگتا ہے دل کے نہاں خانوں میں تیری آواز سے سینے میں فغاں پیدا ہے تیری آنکھوں کی اداسی مجھے کرتی ہے اداس تیری تنہائی کے احساس سے دل تنہا ہے جاگتی تو ہے تو تھک جاتی ہے آنکھیں میری زخم جلتے ہیں ترے درد مجھے ہوتا ہے
English rendering
Jhaankta hai teri aankhon se zamanon ka khala Tere honton pe musallat hai baṛi der ki pyaas Tere seene mein raha shor baharan ka kharosh Ab to saanson mein na garmi hai na aawaz na baas Tu ne ek umar se bazoo bhi nahin phailaye Phir bhi baahon ko hai sadiyon ki thakan ka ehsaas Tere chehre pe sukoon khel raha hai lekin Tere seene mein to toofan garajte honge Bazm-e-kaunain teri aankh mein veeran sahi Tere khwabon ke mahallaat to samjhe honge Garche ab koi nahin koi nahin aaye ga Phir bhi aahat pe tere kaan to bajte honge Waqt hai naag tere jism ko ḍasta hoga Yakh kar tujh ko hawaen bhi bapharteen honge Sab tere saaye ko aaseb samajhte honge Tujh se hamjoliyan katra ke guzarti honge Kitni yaaden tere ashkon se ubharti honge Zindagi har naye andaaz ko apnati hai Ye fareb apne liye jaal naye bunta hai Raqs karti hai tere honton pe halki si hansi Aur jee ko koi rooh ki tarah dhansata hai Laakh pardo mein chhupa shor-e-aziyat lekin Dil tere dil ke dhaṛakne ki sada sunta hai Tera gham jaagta hai dil ke nihan khanon mein Teri aawaz se seene mein fughan paida hai Teri aankhon ki udaasi mujhe karti hai udaas Teri tanhai ke ehsaas se dil tanha hai Jaagti tu hai to thak jaati hain aankhen meri Zakhm jalte hain tere dard mujhe hota hai