اے ذوقؔ وقت نالے کے رکھ لے جگر پہ ہاتھ
اے ذوقؔ وقت نالے کے رکھ لے جگر پہ ہاتھ ورنہ جگر کو روئے گا تو دھر کے سر پہ ہاتھ چھوڑا نہ دل میں صبر نہ آرام نے قرار تیری نگہ نے صاف کیا گھر کے گھر پہ ہاتھ کھائے ہے اس مزے سے غم عشق میرا دل جیسے گرسنہ مارے ہے حلوائے تر پہ ہاتھ خط دے کے چاہتا تھا زبانی بھی کچھ کہے رکھا مگر کسی نے دل نامہ بر پہ ہاتھ جوں پنج شاخہ تو نہ جلا انگلیاں طبیب رکھ رکھ کے نبض عاشق تفتہ جگر پہ ہاتھ قاتل یہ کیا ستم ہے کہ اٹھتا نہیں کبھی آ کر مزار کشتۂ تیغ نظر پہ ہاتھ میں ناتواں ہوں خاک کا پروانے کی غبار اٹھتا ہوں رکھ کے دوش نسیم سحر پہ ہاتھ اے شمع ایک چور ہے بادی یہ باد صبح مارے ہے کوئی دم میں ترے تاج زر پہ ہاتھ اے ذوقؔ میں تو بیٹھ گیا دل کو تھام کر اس ناز سے کھڑے تھے وہ رکھ کر کمر پہ ہاتھ
English rendering
Aye Zauq waqt nale ke rakh le jigar pe haath Warna jigar ko roye ga tu dhar ke sar pe haath Chhoda na dil mein sabr na araam ne qarar Teri nigah ne saaf kiya ghar ke ghar pe haath Khaaye hai is maze se gham-e-ishq mera dil Jaise gursana maare hai halwa-e-tar pe haath Khat de ke chahta tha zabani bhi kuch kahe Rakha magar kisi ne dil nama-bar pe haath Jun panj shaakha tu na jala ungliyan tabeeb Rakh rakh ke nabz-e-aashiq-e-tafta-jigar pe haath Qatil ye kya sitam hai ke uthta nahin kabhi Aa kar mazaar-e-kushta-e-tegh-e-nazar pe haath Main natavan hoon khaak ka parwane ki ghubar Uthta hoon rakh ke dosh-e-naseem-e-sahar pe haath Aye shama ek chor hai baadi ye baad-e-subh Maare hai koi dam mein tere taaj-e-zar pe haath Aye Zauq main toh baith gaya dil ko thaam kar Is naaz se khade the woh rakh kar kamar pe haath