بلائیں آنکھوں سے ان کی مدام لیتے ہیں
بلائیں آنکھوں سے ان کی مدام لیتے ہیں ہم اپنے ہاتھوں کا مژگاں سے کام لیتے ہیں ہم ان کی زلف سے سودا جو وام لیتے ہیں تو اصل و سود وہ سب دام دام لیتے ہیں شب وصال کے روز فراق میں کیا کیا نصیب مجھ سے مرے انتقام لیتے ہیں قمر ہی داغ غلامی فقط نہیں رکھتا وہ مول ایسے ہزاروں غلام لیتے ہیں ہم ان کے زور کے قائل ہیں ہیں وہی شہ زور جو عشق میں دل مضطر کو تھام لیتے ہیں قتیل ناز بتاتے نہیں تجھے قاتل جب ان سے پوچھو اجل ہی کا نام لیتے ہیں ترے اسیر جو صیاد کرتے ہیں فریاد تو پھر وہ دم ہی نہیں زیر دام لیتے ہیں جھکائے ہے سر تسلیم ماہ نو پر وہ غرور حسن سے کس کا سلام لیتے ہیں ترے خرام کے پیرو ہیں جتنے فتنے ہیں قدم سب آن کے وقت خرام لیتے ہیں ہمارے ہاتھ سے اے ذوقؔ وقت مے نوشی ہزار ناز سے وہ ایک جام لیتے ہیں
English rendering
Balaayein aankhon se un ki mudaam lete hain Hum apne haathon ka mizhgaan se kaam lete hain Hum un ki zulf se sauda jo waam lete hain Toh asl o sud woh sab daam daam lete hain Shab-e-wisaal ke roz-e-firaaq mein kya kya Naseeb mujh se mere intiqam lete hain Qamar hi daagh-e-ghulami faqat nahin rakhta Woh mol aise hazaron ghulam lete hain Hum un ke zor ke qayal hain hain wohi shah zor Jo ishq mein dil-e-muztar ko thaam lete hain Qateel-e-naaz batate nahin tujhe qatil Jab un se poocho ajal hi ka naam lete hain Tere aseer jo sayyad karte hain faryaad Toh phir woh dam hi nahin zer-e-daam lete hain Jhukaaye hai sar-e-tasleem mah-e-nau par woh Ghuroor-e-husn se kis ka salam lete hain Tere kharam ke pairau hain jitne fitne hain Qadam sab aan ke waqt-e-kharam lete hain Hamare haath se aye Zauq waqt-e-mai noshi Hazar naaz se woh ek jaam lete hain