کوئی ان تنگ دہانوں سے محبت نہ کرے
کوئی ان تنگ دہانوں سے محبت نہ کرے اور جو یہ تنگ کریں منہ سے شکایت نہ کرے عشق کے داغ کو دل مہر نبوت سمجھا ڈر ہے کافر کہیں دعوائے نبوت نہ کرے ہے جراحت کا مری سودۂ الماس علاج فائدہ اس کو کبھی سنگ جراحت نہ کرے ہر قدم پر مرے اشکوں سے رواں ہے دریا کیا کرے جادہ اگر ترک رفاقت نہ کرے آج تک خوں سے مرے تر ہے زبان خنجر کیا کرے جب کہ طلب کوئی شہادت نہ کرے ہے یہ انساں بڑے استاد کا شاگرد رشید کر سکے کون اگر یہ بھی خلافت نہ کرے بن جلے شمع کے پروانہ نہیں جل سکتا کیا بڑھے عشق اگر حسن ہی سبقت نہ کرے پھر چلا مقتل عشاق کی جانب قاتل سر پہ برپا کہیں کشتوں کے قیامت نہ کرے
English rendering
Koi in tang dahano se mohabbat na kare Aur jo ye tang karein munh se shikayat na kare Ishq ke daagh ko dil mohr-e-nabuwat samjha Dar hai kaafir kahin dawa-e-nabuwat na kare Hai jarahat ka meri sauda almaas ilaaj Faayda is ko kabhi sang-e-jarahat na kare Har qadam par mere ashkon se rawan hai darya Kya kare jadah agar tark-e-rafaaqat na kare Aaj tak khoon se mere tar hai zubaan-e-khanjar Kya kare jab ke talab koi shahadat na kare Hai ye insaan bade ustad ka shagird-e-rasheed Kar sake kaun agar ye bhi khilafat na kare Bin jale shama ke parwana nahin jal sakta Kya badhe ishq agar husn hi sabqat na kare Phir chala maqtal-e-ushshaq ki jaanib qatil Sar pe barpa kahin kushton ke qayamat na kare