ہے تیرے کان زلفِ معنبر لگی ہوئی
ہے تیرے کان زلفِ معنبر لگی ہوئی رکھے گی یہ نہ بال برابر لگی ہوئی بیٹھے بھرے ہوئے ہیں خُمِ مے کی طرح ہم پر کیا کریں کہ مہر ہے منہ پر لگی ہوئی چاٹے بغیر خون کوئی رہتی ہے تیری تیغ ہے یہ تو اس کو چاٹ ستمگر لگی ہوئی میت کو غسل دیجو نہ اس خاکسار کی ہے تن پہ خاک کوچۂ دلبر لگی ہوئی عیسیٰ بھی گر ہے پاس تو ممکن نہیں شفا خورشید کو وہ تپ ہے فلک پر لگی ہوئی نکلے ہے کب کسی سے کہ اُس کی مژہ کی نوک ہے پھانس سی کلیجے کے اندر لگی ہوئی کرتی ہے زیرِ برقع فانوس تانک جھانک پروانہ سے ہے شمع مقرّر لگی ہوئی بیٹھے ہیں دل کے بیچنے والے ہزار ہا گزرے ہیں اُس کی رہگزر پر لگی ہوئی یہ چاہتا ہے شوق کہ قاصد بجائے مہر آنکھ اپنی ہو لفافۂ خط پر لگی ہوئی منہ سے لگا ہوا ہے اگر جامِ مے تو کیا ہے دل سے یاد ساقیِ کوثر لگی ہوئی
English rendering
Hai tere kaan zulf-e-mambar lagi hui Rakkhe gi ye na baal baraabar lagi hui Baithe bhare hue hain khum-e-mai ki tarah hum Par kya karein ke mohr hai munh par lagi hui Chaate baghair khoon koi rehti hai teri tegh Hai ye to us ko chaat sitamgar lagi hui Meyyat ko ghusl deejo na us khaaksar ki Hai tan pe khaak-e-koocha-e-dilbar lagi hui Eesa bhi gar hai paas to mumkin nahin shifa Khurshid ko woh tap hai falak par lagi hui Nikle hai kab kisi se ke us ki mizha ki nok Hai phans si kaleje ke andar lagi hui Karti hai zer-e-burqa fanoos taank jhaank Parwana se hai shama muqarrab lagi hui Baithe hain dil ke bechne wale hazaaron ha Guzre hain us ki rehguzar par lagi hui Ye chahta hai shauq ke qaasid bajaaye mohr Aankh apni ho lifaafe-khat par lagi hui Munh se laga hua hai agar jaam-e-mai to kya Hai dil se yaad saaqi-e-kausar lagi hui