ہوئے کیوں اس پہ عاشق ہم ابھی سے
ہوئے کیوں اس پہ عاشق ہم ابھی سے لگایا جی کو ناحق غم ابھی سے دلا ربط اس سے رکھنا کم ابھی سے جتا دیتے ہیں تجھ کو ہم ابھی سے ترے بیمار غم کے ہیں جو غم خوار برستا ان پہ ہے ماتم ابھی سے غضب آیا ہلیں گر اس کی مژگاں صف عشاق ہے برہم ابھی سے اگرچہ دیر ہے جانے میں تیرے نہیں پر اپنے دم میں دم ابھی سے بھگو رہوے گا گریہ جیب و دامن رہے ہے آستیں پر نم ابھی سے تمہارا مجھ کو پاس آبرو تھا وگرنہ اشک جاتے تھم ابھی سے لگے سیسہ پلانے مجھ کو آنسو کہ ہو بنیاد غم محکم ابھی سے کہا جانے کو کس نے مینہ کھلے پر کہ چھایا دل پہ ابر غم ابھی سے نکلتے ہی دم اٹھواتے ہیں مجھ کو ہوئے بے زار یوں ہمدم ابھی سے ابھی دل پر جراحت سو نہ دو سو دھرا ہے دوستو مرہم ابھی سے کیا ہے وعدۂ دیدار کس نے کہ ہے مشتاق اک عالم ابھی سے مرا جانا مجھے غیروں نے اے ذوقؔ کہ پھرتے ہیں خوش و خرم ابھی سے
English rendering
Hue kyoon us pe ashiq hum abhi se Lagaya jee ko nahak gham abhi se Dila rabt us se rakhna kam abhi se Jata dete hain tujh ko hum abhi se Tere beemar-e-gham ke hain jo gham-khwaar Barasta un pe hai maatam abhi se Ghazab aaya hilein gar us ki mizhgaan Saf-e-ushaaq hai barham abhi se Agarche der hai jaane mein tere Nahin par apne dam mein dam abhi se Bheego roye ga girya jaib-o-daaman Rahe hai aasteen par nam abhi se Tumhara mujh ko paas-e-aabroo tha Wagarna ashk jaate tham abhi se Lage seesa pilane mujh ko aansoo Ke ho bunyaad-e-gham muhkam abhi se Kaha jaane ko kis ne meenh khule par Ke chhaaya dil pe abr-e-gham abhi se Nikalte hi dam uthwaate hain mujh ko Hue be-zaar yoon hamdam abhi se Abhi dil par jarahat sau na do sau Dhara hai dosto marham abhi se Kiya hai wa'da-e-deedar kis ne Ke hai mushtaaq ek aalam abhi se Mera jaana mujhe ghairon ne aye Zauq Ke phirte hain khush-o-khurram abhi se