جدا ہوں یار سے ہم اور نہ ہو رقیب جدا
جدا ہوں یار سے ہم اور نہ ہو رقیب جدا ہے اپنا اپنا مقدر جدا نصیب جدا تری گلی سے نکلتے ہی اپنا دم نکلا رہے ہے کیوں کہ گلستاں سے عندلیب جدا دکھا دے جلوہ جو مسجد میں وہ بت کافر تو چیخ اٹھے موذن جدا خطیب جدا جدا نہ درد جدائی ہو گر مرے اعضا حروف درد کی صورت ہوں اے طبیب جدا ہے اور علم و ادب مکتب محبت میں کہ ہے وہاں کا معلم جدا ادیب جدا ہجوم اشک کے ہم راہ کیوں نہ ہو نالہ کہ فوج سے نہیں ہوتا کبھی نقیب جدا فراق خلد سے گندم ہے سینہ چاک اب تک الٰہی ہو نہ وطن سے کوئی غریب جدا کیا حبیب کو مجھ سے جدا فلک نے مگر نہ کر سکا مرے دل سے غم حبیب جدا کریں جدائی کا کس کس کی رنج ہم اے ذوقؔ کہ ہونے والے ہیں ہم سب سے عن قریب جدا
English rendering
Judā hūñ yār se ham aur na ho raqīb judā Hai apnā apnā muqaddar judā nasīb judā Terī galī se nikalte hī apnā dam niklā Rahe hai kyūñ ki gulistāñ se andalīb judā Dikhā de jalva jo masjid meñ vo but-e-kāfir To chīḳh uThe mu.azzin judā ḳhatīb judā Judā na dard-e-judā.ī ho gar mire a'zā Hurūf-e-dard kī sūrat hoñ ai tabīb judā Hai aur ilm-o-adab maktab-e-mohabbat meñ Ki hai vahāñ kā mo'allim judā adīb judā Hujūm-e-ashk ke hamrah kyūñ na ho nāla Ki fauj se nahīñ hotā kabhī naqīb judā Firāq-e-ḳhuld se gandum hai sīna chāk ab tak Ilāhī ho na vatan se koī ġharīb judā Kiyā habīb ko mujh se judā falak ne magar Na kar sakā mire dil se ġham-e-habīb judā Kareñ judā.ī kā kis kis kī ranj ham ai Zauqؔ Ki hone vāle haiñ ham sab se anqarīb judā