لائی حیات آئے قضا لے چلی چلے
لائی حیات آئے قضا لے چلی چلے اپنی خوشی نہ آئے نہ اپنی خوشی چلے ہو عمر خضر بھی تو ہو معلوم وقت مرگ ہم کیا رہے یہاں ابھی آئے ابھی چلے ہم سے بھی اس بساط پہ کم ہوں گے بد قمار جو چال ہم چلے سو نہایت بری چلے بہتر تو ہے یہی کہ نہ دنیا سے دل لگے پر کیا کریں جو کام نہ بے دل لگی چلے لیلیٰ کا ناقہ دشت میں تاثیر عشق سے سن کر فغان قیس بجائے حدی چلے نازاں نہ ہو خرد پہ جو ہونا ہے ہو وہی دانش تری نہ کچھ مری دانش وری چلے دنیا نے کس کا راہ فنا میں دیا ہے ساتھ تم بھی چلے چلو یوں ہی جب تک چلی چلے جاتے ہوائے شوق میں ہیں اس چمن سے ذوقؔ اپنی بلا سے باد صبا اب کبھی چلے
English rendering
Laayi hayaat aaye qaza le chali chale Apni khushi na aaye na apni khushi chale Ho umr-e-Khizr bhi to ho maloom waqt-e-marg Hum kya rahe yahaan abhi aaye abhi chale Hum se bhi us bisaat pe kam honge bad-qimar Jo chaal hum chale so nihayat buri chale Behtar to hai yahi ke na duniya se dil lage Par kya karein jo kaam na be-dil lagi chale Laila ka naqa dasht mein taaseer-e-ishq se Sun kar fughan-e-Qais bajaaye hadi chale Nazaan na ho khirad pe jo hona hai ho wahi Danish teri na kuch meri daanish-wari chale Duniya ne kis ka raah-e-fana mein diya hai saath Tum bhi chale chalo yoon hi jab tak chali chale Jaate hue shauq mein hain is chaman se Zauq Apni bala se baad-e-saba ab kabhi chale