مزہ تھا ہم کو جو لیلیٰ سے دو بہ دو کرتے
مزہ تھا ہم کو جو لیلیٰ سے دو بہ دو کرتے کہ گل تمہاری بہاروں میں آرزو کرتے مزے جو موت کے عاشق بیاں کبھو کرتے مسیح و خضر بھی مرنے کی آرزو کرتے غرض تھی کیا ترے تیروں کو آب پیکاں سے مگر زیارت دل کیوں کہ بے وضو کرتے عجب نہ تھا کہ زمانے کے انقلاب سے ہم تیمم آب سے اور خاک سے وضو کرتے اگر یہ جانتے چن چن کے ہم کو توڑیں گے تو گل کبھی نہ تمنائے رنگ و بو کرتے سمجھ یہ دار و رسن تار و سوزن اے منصور کہ چاک پردہ حقیقت کا ہیں رفو کرتے یقیں ہے صبح قیامت کو بھی صبوحی کش اٹھیں گے خواب سے ساقی سبو سبو کرتے نہ رہتی یوسف کنعاں کی گرمئ بازار مقابلے میں جو ہم تجھ کو روبرو کرتے چمن بھی دیکھتے گلزار آرزو کی بہار تمہاری باد بہاری میں آرزو کرتے سراغ عمر گزشتہ کا کیجئے گر ذوقؔ تمام عمر گزر جائے جستجو کرتے
English rendering
Maza thā ham ko jo Lailā se do ba do karte Ki gul tumhārī bahāroñ meñ ārzū karte Maze jo maut ke āshiq bayāñ kabhū karte Masīh o ḳhizr bhī marne kī ārzū karte Ġharaz thī kyā tere tīroñ ko āb-e-paikāñ se Magar ziyārat-e-dil kyūñ ki be-vazū karte Ajab na thā ki zamāne ke inqilāb se ham Tayammum āb se aur ḳhāk se vazū karte Agar ye jānte chun chun ke ham ko toṛeñge To gul kabhī na tamannā-e-rañg-o-bū karte Samajh ye dār o rasan tār o sozān ai Mansūr Ki chāk-e-parda-e-haqīqat kā haiñ rafū karte Yaqīñ hai subh-e-qayāmat ko bhī sabūhī kash Utheñge ḳhvāb se sāqī sabū sabū karte Na rahtī Yūsuf-e-kan'āñ kī garmī-e-bāzār Muqāble meñ jo ham tujh ko rū-ba-rū karte Chaman bhī dekhte gulzār-e-ārzū kī bahār Tumhārī bād-e-bahārī meñ ārzū karte Surāġh-e-umr-e-guzašta kā kījiye gar Zauqؔ Tamām umr guzar jā.e justujū karte