نہ کرتا ضبط میں نالہ تو پھر ایسا دھواں ہوتا
نہ کرتا ضبط میں نالہ تو پھر ایسا دھواں ہوتا کہ نیچے آسماں کے اور پیدا آسماں ہوتا کہے ہے مرغ دل اے کاش میں زاغ کماں ہوتا کہ تا شاخ کماں پر اس کی میرا آشیاں ہوتا ابھی کیا سرد قاتل یہ شہید تفتہ جاں ہوتا کوئی دم شمع مردہ میں بھی ہے باقی دھواں ہوتا نہ ہوتی دل میں کاوش گر کسی کی نوک مژگاں کی تو کیوں حق میں مرے ہر موئے تن مثل سناں ہوتا عزا داری میں ہے کس کی یہ چرخ ماتمی جامہ کہ حبیب چاک کی صورت ہے خط کہکشاں ہوتا بگولا گر نہ ہوتا وادئ وحشت میں اے مجنوں تو گنبد ہم سے سرگشتوں کی تربت پر کہاں ہوتا جو روتا کھول کر دل تنگ نائے دہر میں عاشق تو جوئے کہکشاں میں بھی فلک پر خوں رواں ہوتا نہ رکھتا گر نہ رکھتا منہ پہ یہ دانا مریض غم مگر تیرا میسر بوسۂ خال دہاں ہوتا ترے خونیں جگر کی خاک پر ہوتا اگر سبزہ تو مژگاں کی طرح اس سے بھی پیہم خوں رواں ہوتا رکاوٹ دل کی اس کافر کے وقت ذبح ظاہر ہے کہ خنجر میری گردن پر ہے رک رک کر رواں ہوتا نہ کرتا ضبط میں گریہ تو اے ذوقؔ اک گھڑی بھر میں کٹورے کی طرح گھڑیال کے غرق آسماں ہوتا
English rendering
Na kartā zabt maiñ nāla to phir aisā dhuāñ hotā Ki nīche āsmān ke aur paidā āsmān hotā Kahe hai murġh-e-dil ai kāsh maiñ zāġh-e-kamāñ hotā Ki tā shāḳh-e-kamāñ par us kī merā āshiyāñ hotā Abhī kyā sard qātil ye shahīd-e-tafta-jāñ hotā Koī dam sham'-e-murda meñ bhī hai bāqī dhuāñ hotā Na hotī dil meñ kāvish gar kisī kī nok-e-mizhġāñ kī To kyūñ haq meñ mire har mū-e-tan misl-e-sanāñ hotā Azā-dārī meñ hai kis kī ye charḳh-e-mātamī jāma Ki habīb-e-chāk kī sūrat hai ḳhatt-e-kahkashāñ hotā Bagaulā gar na hotā vādi-e-vahshat meñ ai Majnūñ To gunbad ham se sargashhtoñ kī turbat par kahāñ hotā Jo rotā khol kar dil tañg-nā-e-dahar meñ āshiq To jū-e-kahkashāñ meñ bhī falak par ḳhūn ravāñ hotā Na rakhtā gar na rakhtā muñh pe ye dāna marīz-e-ġham Magar terā mayassar bosa-e-ḳhāl-e-dahāñ hotā Tere ḳhūnīñ jigar kī ḳhāk par hotā agar sabza To mizhgāñ kī tarah us se bhī paiham ḳhūn ravāñ hotā Rukāvaṭ dil kī us kāfir ke vaqt-e-zibh zāhir hai Ki ḳhanjar merī gardan par hai ruk ruk kar ravāñ hotā Na kartā zabt maiñ girya to ai Zauqؔ ik ghaṛī bhar meñ Kaṭore kī tarah ghaṛyāl ke ġharq-e-āsmāñ hotā