قفل صد خانۂ دل آیا جو تو ٹوٹ گئے
قفل صد خانۂ دل آیا جو تو ٹوٹ گئے جو طلسمات نہ ٹوٹے تھے کبھو ٹوٹ گئے سیکڑوں کاسہ سر دہر میں مانند حباب کبھو اے چرخ بنے تجھ سے کبھو ٹوٹ گئے ٹانکے کیا جیب کے پھر بعد رفو ٹوٹ گئے ہو کے ناخن کبھی سینے میں فرو ٹوٹ گئے تو جو کہتا ہے کہ دے غیر کو بھی ساغر مے ہاتھ کیا اس کے ہیں اے آئینہ رو ٹوٹ گئے کیونکے بن کشتیٔ مے کیجیے سیر دریا مے کشو زیر بغل اب تو کدو ٹوٹ گئے دیکھ کر سرمے کی تحریر تری آنکھوں میں کافروں کے بھی ہیں زنار گلو ٹوٹ گئے صدمۂ غم سے ترے جوں گل بازی افسوس سارے اعضا مرے اے عربدہ جو ٹوٹ گئے سنگ غیرت سے کئی آئینے اے عہد شکن دیکھ کر صاف ترا روئے نکو ٹوٹ گئے تیر دل سے وہ نکلتے ہیں کوئی جذبۂ شوق نکلے سوفار جو سینے سے گلو ٹوٹ گئے دل شکستہ ہی رہا بعد فنا بھی میں تو کہ مری خاک سے بنتے ہی سبو ٹوٹ گئے شدت گریہ سے تھا رات یہ اشکوں کا ہجوم چشم تر پھر مرے مژگاں کے ہیں مو ٹوٹ گئے گلشن عشق میں اللہ ہے کیا کثرت بار بن ہوا کتنے ہی نخل لب جو ٹوٹ گئے کہہ بہ تبدیل قوافی غزل اک اور بھی ذوقؔ دیکھیں بٹھلائے ہے کس طرح سے تو ٹوٹ گئے
English rendering
Qufl-e-sad khana-e-dil aaya jo tu toot gaye Jo tilismaat na toote the kabhu toot gaye Sainkdon kaasa-e-sar dehar mein maanind-e-habaab Kabhu aye charakh bane tujh se kabhu toot gaye Taanke kya jaib ke phir ba'd-e-rafo toot gaye Ho ke naakhun kabhi seene mein fro toot gaye Tu jo kehta hai ke de ghair ko bhi saaghar-e-mai Haath kya us ke hain aye aaina-ru toot gaye Kyoonke bin kashti-e-mai keejiye sair-e-darya Mai-kasho zer-e-baghal ab to kadoo toot gaye Dekh kar surme ki tehreer teri aankhon mein Kaafiron ke bhi hain zunnar-e-galoo toot gaye Sadma-e-gham se tere joon gul-baazi afsos Saare aa'za mere aye arbada-joo toot gaye Sang-e-ghairat se kai aaine aye ahd-shikan Dekh kar saaf tera roo-e-nekoo toot gaye Teer-e-dil se woh nikalte hain koi jazba-e-shauq Nikle soofaar jo seene se galoo toot gaye Dil shikasta hi raha ba'd-e-fana bhi main to Ke meri khaak se bante hi saboo toot gaye Shiddat-e-girya se tha raat ye ashkon ka hujoom Chashm-e-tar phir mere mizhgaan ke hain moo toot gaye Gulshan-e-ishq mein Allah hai kya kasrat-e-baar Bin hawa kitne hi nakhl-e-lab-e-joo toot gaye Ke ba-tabdeel-e-qawafi ghazal ek aur bhi Zauq Dekhein bithlaaye hai kis tarah se tu toot gaye